স্বাধীনতা আন্দোলন আৰু অসমত জাতীয় জাগৰণ
দশম শ্ৰেণীৰ ইতিহাস প্ৰথম খণ্ড চতুৰ্থ অধ্যায় প্ৰশ্নোত্তৰ
Class 10 SEBA History Chapter 4 questions answere
অতি চমু উত্তৰৰ প্ৰশ্ন:
১/ ইয়াণ্ডাবু সন্ধি কেতিয়া হৈছিল ?
উত্তৰ :- ১৮২৬ চনৰ ২৬ ফেব্ৰুৱাৰীত ইয়াণ্ডাবু সন্ধি হৈছিল ।
২/ কোম্পানীৰ আমোল বুলিলে কোনটো সময়ক বুজোৱা হয় ?
উত্তৰ :- ১৮২৬ চনৰ পৰা ১৮৫৮ চনলৈ বিস্তৃত ইষ্ট ইণ্ডিয়া কোম্পানীৰ শাসন কালক কোম্পানীৰ দিন বা কোম্পানী আমোল বুলি কোৱা হয় ।
৩/ অসমত বাংলা ভাষাৰ প্ৰচলন কেতিয়া হৈছিল ?
উত্তৰ :- অসমত বাংলা ভাষাৰ প্ৰচলন ১৮৩৭ চনত হৈছিল ।
৪/ বাংলা ভাষাৰ ঠাইত অসমত অসমীয়া ভাষাৰ পুনৰ প্ৰচলন কেতিয়া হৈছিল ?
উত্তৰ :- বাংলা ভাষাৰ ঠাইত অসমত অসমীয়া পুনৰ প্ৰচলন ১৮৭৩ চনত হৈছিল ।
৫/ অৰুণোদয় কাকতৰ প্ৰথম সম্পাদক কোন আছিল ?
উত্তৰ :- অৰুণোদয় কাকতৰ প্ৰথম সম্পাদক চন্দ্ৰকুমাৰ আগৰৱালা আছিল ।
৬/ অসম ছাত্ৰ সন্মিলনৰ মুখপত্ৰখন কি আছিল ?
উত্তৰ :- অসম ছাত্ৰ সন্মিলনৰ মুখপত্ৰখন মিলন আছিল ।
৭/ ৰায়ত সভাসমূৰ মুখ্য উদ্দেশ্য কি আছিল ?
উত্তৰ :- ৰায়ত সভাসমূহৰ মুখ্য উদ্দেশ্য আছিল মাটিৰ খাজনা হ্ৰাস কৰা, গ্ৰেজিং কৰ বন্ধ কৰা আৰু পূৰ্ববংগৰ পৰা হোৱা প্ৰব্ৰজন বন্ধ কৰা ।
৮/ সদৌ অসম ৰায়ত সভাৰ গঠন কেতিয়া হৈছিল ?
উত্তৰ :- সদৌ অসম ৰায়ত সভাৰ গঠন ১৯৩৩ চনৰ ৮ এপ্ৰিল মাহত গঠিত হৈছিল ।
৯/ আহোম সভাৰ সম্পাদক কোন আছিল ?
উত্তৰ :- আহোম সভাৰ সম্পাদক পদ্মনাথ গোহাঞিবৰুৱাৰ আছিল ।
১০/ যোৰহাট সাৰ্বজনীক সভা কেতিয়া আৰু কাৰ নেতৃত্বত গঠন হৈছিল ?
উত্তৰ :- ১৮৮৪ চনত যোৰহাটত জগন্নাথ বৰুৱাৰ নেতৃত্বত গঠন হৈছিল ।
১১/ অসম প্ৰদেশ কংগ্ৰেছ কমিটিৰ প্ৰথম সভাপতি আৰু সম্পাদক কোন আছিল ?
উত্তৰ :- অসম প্ৰদেশ কংগ্ৰেছ কমিটিৰ প্ৰথম সভাপতি কুলধৰ চলিহা আৰু সম্পাদক নবীনচন্দ্ৰ বৰদলৈ আছিল ।
১২/ অসম প্ৰদেশ কংগ্ৰেছ কমিটিৰ আনুষ্ঠানিক ভাবে নিৰ্বাচিত প্ৰথমজন সভাপতি কোন আছিল ?
উত্তৰ :- এই কমিটিৰ আনুষ্ঠানিক ভাবে নিৰ্বাচিত প্ৰথম জন সভাপতি বিষ্ণুৰাম মেধি আছিল ।
১৩/ অসমৰ প্ৰথম প্ৰধানমন্ত্ৰী কোন আৰো কেতিয়া নিৰ্বাচিত হৈছিল ?
উত্তৰ :- অসমৰ প্ৰথম প্ৰধান প্ৰধানমন্ত্ৰী গোপীনাথ বৰদলৈ আৰু ১৯৪৬ চনত নিৰ্বাচিত হৈছিল ।
১৪/ অসমত স্থাপিত হোৱা প্ৰথমখন জাতীয় অনুস্থান কি ?
উত্তৰ :- অসমত স্থাপিত হোৱা প্ৰথমখন জাতীয় অনুস্থানটো হ'ল-তিলক সোঁৱৰণীস্কুল (গুৱাহাটী) ।
১৫/ কোঁৱৰক কি অপৰাধত ফাঁচী দিয়া হৈছিল ?
উত্তৰ :- কুশল কোঁৱৰক বৰপথাৰত ৰে'ল বগৰোৱাৰ অপৰাধত ফাঁচী দিয়া হৈছিল ।
১৬/ গুৱাহাটী বিশ্ববিদ্যালয় কেতিয়া স্থাপিত হৈছিল ?
উত্তৰ :- গুৱাহাটী বিশ্ববিদ্যালয় ১৮৪৮ চনৰ ২৬ জানুৱাৰীত স্থাপিত হৈছিল ।
১৭/ অসম চিকিৎসা মহাবিদ্যালয় আনুষ্ঠানিক ভাৱে কেতিয়া নামাংকিত হয় ?
উত্তৰ :- অসম চিকিৎসা মহাবিদ্যালয় আনুষ্ঠানিক ভাৱে ১৯৪৭ চনৰ ৩ নবেম্বৰত নামাংকিত হয় ।
১৮/ গুৱাহাটী চিকিৎসা মহাবিদ্যালয় আনুষ্ঠানিক ভাৱে আৰম্ভ হয় ?
উত্তৰ :- গুৱাহাটী চিকিৎসা মহাবিদ্যালয় ১৯৬০ চনৰ ২০ ছেপ্টেম্বৰত আনুষ্ঠানিক ভাৱে আৰম্ভ হয় ।
চমু উত্তৰৰ প্ৰশ্ন :
১/ 'অসমীয়া লিটাৰেৰী ছ'চাইটীৰ বিষয়ে চমুকৈ লিখা ।
উত্তৰ :- অসমীয়া ভাষা-সাহিত্যৰ উন্নতিৰ হকে গঠনত প্ৰথমটো সংগঠন আছিল 'অসমীয়া লিটাৰেৰী ছচাইটী' । ১৮৭২ চনত দেৱীচৰণ বৰুৱা আৰু গুণগোৱিন্দ বৰুৱাৰ নেতৃত্বত কলিকতাত অধ্যয়নৰত ছাত্ৰসকলে এই সংগঠনটো গঠন কৰিছিল । এই অনুষ্ঠানটোৰ প্ৰধান উদ্দেশ্য সাহিত্যচৰ্চা আছিল যদিও ইয়াত ৰাজনৈতিক চিন্তাৰো প্ৰকাশ ঘটিছিল ।
এই সংগঠনটোৰ সদস্য জগন্নাথ বৰুৱা আৰু মানিক চন্দ্ৰ বৰুৱাই অনুষ্ঠানটোৰ তৰফৰ পৰা তদানীন্তন ভাইচৰয় লৰ্ড নৰ্থব্ৰুক অৰ্পণ কৰা এক স্মাৰক-পত্রত অসমৰ প্ৰাকৃতিক সম্পদ উন্নয়নৰ লগতে অসম আৰু বংগৰ মাজৰ ৰে'ল সংযোগ স্থাপনৰ বাবে দাবী উত্থাপন কৰিছিল । এই অনুষ্ঠানটো ১৮৮৫ চনলৈ সক্ৰিয় অৱস্থাত আছিল ।
২/ জোনাকী যুগৰ উল্লেখযোগ্য জাতীয়তাবাদী উত্তৰণৰ এটা চমু আভাস দিয়া ।
উত্তৰ :- কলিকতাত অধ্যয়নত কিছুসংখ্যক অসমীয়া ছাত্ৰই ১৮৮৮ চনত অসমীয়া ভাষা উন্নতি সাধিনী (অ:ভা:উ:সা:) সভা নামেৰে এক সাহিত্য অনুষ্ঠান গঠন কৰিছিল । এই সাহিত্য অনুষ্ঠানটোৱে প্ৰকাশ কৰা আলোচনী খনৰ নাম আছিল জোনাকী । এই আলোচনীখনে অসমত সাংস্কৃতিক আৰু সাহিত্যিক নৱজাগৰণৰ সূচনা কৰে ।
জোনাকীৰ প্ৰথম সম্পাদক আছিল চন্দ্ৰ কুমাৰ আগৰৱালা । ই সফলতাৰে ভালেমান নতুন সাহিত্যিক প্ৰতিভাৱান লোকক উলিয়াই আনিছিল । ৰাজনৈতিক ক্ষেত্ৰৰ লগত জড়িত হোৱা নাছিল বৰং সাহিত্য জগতৰ উন্নয়নৰ মূল উদ্দেশ্যতে নিদিষ্ট আছিল । হেমচন্দ্ৰ গোস্বামী, লক্ষীনাথ বেজবৰুৱা, চন্দ্ৰকুমাৰ আগৰৱালা আদি বিশিষ্ট লেখকসকলে এই আলোচনীৰ ভৱিতব্য পৰিচালনা কৰিছিল ।
এই তিনিজন ব্যক্তিক জোনাকী যুগৰ ত্রিমুৰ্ত্তি বুলি কোৱা হয় । অন্যান্য বিশিষ্ট লেখকসকলে আছিল কনকলাল বৰুৱা, কমলাকান্ত ভট্টাচাৰ্য্য অম্বিকাগিৰী ৰায়চৌধুৰী । এই আলোচনীয়ে অসমত সাংস্কৃতিক আৰু সামাজিক সচেতনতা উন্মেষ কৰিবলৈ সক্ষম হৈছিল । জোনাকী আলোচনীয়ে প্ৰভাৱ বিস্তাৰ কৰা এই সময়ছোৱাক জোনাকী যুগ বুলি অভিহিত হৈছিল ।
জোনাকী আলোচনীয়ে ব্ৰিটিছ শাসন কালত অসমৰ থলুৱা উদ্যোগ আৰু ব্যৱসায়-বাণিজ্যৰ অৱনতি সম্পৰ্কে আৰু অৰ্থনৈতিক আত্মনিৰ্ভৰশীলতাৰ উজ্জীৱীতকৰণ সম্পৰ্কে সচেতনা সৃষ্টিৰ প্ৰয়াস কৰিছিল ।
৩/ আহোম সভাৰ ৰাজনীতিক দাবী সম্পৰ্কে চমুকৈ লিখা ।
উত্তৰ :- ১৮৯৩ চনত পদ্মনাথ গোহাঞিবৰুৱাই আহোম সভা গঠন কৰিছিল । ১৯১০ চনত এই সভাক সদৌ অসম আহোম এছ'চিয়েছন নাম প্ৰদান কৰা হয় । আহোমসভাল প্ৰধান ৰাজনৈতিক দাবীসমূহ আছিল হ'ল ---
(ক) আহোমসকলক সংখ্যালঘু সম্প্ৰদায় হিচাপেস্বীকৃতি প্ৰদান কৰা ।
(খ) বিধানসভাত আহোমসকলৰ বাবে আসন সংৰক্ষণ কৰা ।
(গ) আহোমসকলৰ বাবে পৃথক সমষ্টি ।
৪/ আছাম এছ'চিয়েছনে ব্ৰিটিছ চৰকাৰৰ ওচৰত উত্থাপন কৰা বিষয়সমূহ কি আছিল ?
উত্তৰ :- ১৯৩০ চনত মানিক চন্দ্ৰ বৰুৱাই আছাম এছ'চিয়েছন প্ৰতিষ্ঠা কৰিছিল । আছাম এছ'চিয়েছনে ব্ৰিটিছ চৰকাৰৰ ওচৰত উত্থাপন কৰা বিষয়সমূহ আছিল ----
(ক) পৌৰসভা আৰু লোকেল ব'ৰ্ডত ক্ৰমে চৰকাৰী বিষয়া আৰু চাহ খেতিয়কৰ আধিপত্যৰ বিৰোধিতা কৰিছিল ।
(খ) স্থানীয় সমিতিসমূহৰ গণতন্ত্ৰিকীকৰণৰ দাবী উত্থাপন কৰিছিল ।
(গ) কৰৰ বৃদ্ধি, উৎপাদন শুল্ক নীতি আদিৰ বিৰোধিতা কৰিছিল ।
(ঘ) কানিৰ ব্যৱহাৰ আৰু বিক্ৰী সম্পূৰ্ণ নিষিদ্ধকৰণৰ দাবী উত্থাপন কৰিছিল ।
(ঙ) কলিকতা বিশ্ববিদ্যালয়ৰ সংস্থাত অসমীয়া লোকৰ প্ৰতিনিধিত্ব আৰু কটন মহাবিদ্যালয়ত অসমীয়া শিক্ষকৰ নিযুক্তিৰ দাবী উত্থাপন কৰিছিল ।
(চ) ৰাজ্যখনত কাৰিকৰী শিক্ষানুষ্ঠান স্থাপনৰ আহ্বান কৰিছিল ।
(ছ) ১৯০৫ চনত পূব বংগৰ সৈতে অসমক সংলগ্ন কৰাৰ বিৰোধিতা কৰিছিল ।
(জ) ১৯১৯ চনৰ মণ্টেগা ছেমছফ'ৰ্ড সংস্কাৰ অসমত প্ৰৱৰ্তন কৰাৰ দাবী উত্থাপন কৰিছিল ।
(ঝ) অসমত বিশ্ববিদ্যালয় স্থাপনৰ দাবী উত্থাপন কৰিছিল ।
৫/ অসমত অসহযোগ আন্দোলনত নেতৃত্ব দিয়া অসমীয়া নেতাসকলৰ বিষয়ে উল্লেখ কৰা ।
উত্তৰ :- অসমত অসহযোগ আন্দোলনত চন্দ্ৰনাথ শৰ্মা, হেমচন্দ্ৰ বৰুৱা, কুমাৰ দাস, মুহিবুদ্দিন আহমেদ আদিয়ে নেতৃত্ব প্ৰদান কৰিছিল । আন্দোলনত অংশ গ্ৰহণ কৰা কেইগৰাকীমান যুৱনেতা আছিল লক্ষীধৰ শৰ্মা, ৰোহিণীকান্ত হাতীবা, বিমলাকান্ত বৰুৱা, কনক চন্দ্ৰ বৰুৱা, বেণুধৰ শৰ্মা, তিলক শৰ্মা ইত্যাদি ।
অসমত অসহযোগ আন্দোলনত নবীন চন্দ্ৰ বৰদলৈ , কুলধৰ চলিহা , তৰুণৰাম ফুকন , কামিনী কুমাৰ চন্দ্ৰ, বিষ্ণুৰাম মেধি আদি উকীলেও সক্ৰিয়ভাৱে অংশগ্ৰহণ কৰিছিল ।
৬/ কানিংহাম চাৰ্কুলাৰৰ বিষয়ে লিখা ।
উত্তৰ :- ১৯৩০ চনৰ মে'ত শিক্ষাধিকৰ্তা আৰু জে কানিংহামে প্ৰকাশ কৰা 'কানিংহাম চাৰ্কুলাৰৰ জৰিয়তে ছাত্ৰ আৰু অভিভাৱক সকলৰ পৰা কোনোধৰণৰ ৰাজনৈতিক কাৰ্যকলাপত অংশগ্ৰহণ নকৰাৰ লিখিত প্ৰতিশ্ৰুতি বিচৰা হৈছিল ।
ইয়াত এই বুলিও প্ৰকাশ কৰা হৈছিল যে দোষী সাব্যস্ত হলে জৰিমনা দিব লাগিব আৰু এওঁলোকক ছাত্ৰবৃত্তিৰ পৰা বঞ্চিত কৰা হ'ব । গুৰুতৰ অপৰাধ সংঘটিত কৰাৰ ক্ষেত্ৰত তেওঁলোকক শিক্ষানুষ্ঠানৰ পৰা বহিষ্কাৰ কৰা হ'ব বুলিও প্ৰকাশ কৰা হয় ।
এই চাৰ্কুলাৰৰ বিৰুদ্ধে ছাত্ৰ সকলে তীব্ৰ প্ৰতিক্ৰিয়া প্ৰকাশ কৰিছিল আৰু বৃহৎ সংখ্যক ছাত্ৰই ইয়াৰ প্ৰতিবাদত আইন অমান্য আন্দোলনত অংশ গ্ৰহণ কৰিছিল । এনেদৰে , কানিংহাম চাৰ্কুলাৰে অসমত আইন অমান্য আন্দোলনৰ প্ৰসাৰত পৰোক্ষ ভাৱে সহায় কৰিছিল ।
৭/ গোপীনাথ বৰদলৈ মন্ত্ৰীসভাই স্বাধীনতাৰ পিছত মুখামুখি হোৱা সমস্যা সম্পৰ্কে চমুকৈ লিখা ।
উত্তৰ :- ১৯৪৬ চনত অনুষ্ঠিত সাধাৰণ নিৰ্বাচনৰ পাছত গোপীনাথ বৰদলৈৰ নেতৃত্বত কংগ্ৰেছ দলে অসমত চৰকাৰ গঠন কৰিছিল । বিধান সভাত কংগ্ৰেছ দলে ১০৮ খন আসনৰ ৫৮ খন আসন লাভ কৰে । ফলস্বৰূপে , গোপীনাথ বৰদলৈ প্ৰথমগৰাকী মুখ্যমন্ত্ৰীত পৰিণত হয় । সেই সময়ত মুখ্যমন্ত্ৰীক প্ৰধানমন্ত্ৰী বুলি কোৱা হৈছিল । নতুন মন্ত্ৰীসভাই তলত দিয়া সমস্যাসমূহৰ সন্মুখীন হৈছিল ---
(ক) স্বাধীনতাৰ সময়লৈকে অসমত উপযুক্ত শৈক্ষিক আন্ত:গাঁথনি নাছিল । গতিকে , মানব সম্পদ উন্নয়নৰ বাবে নতুন চৰকাৰে উপযুক্ত শৈক্ষিক গাঁথনি প্ৰতিস্থা কৰিবলগীয়া হৈছিল ।
(খ) স্বাধীনতাৰ পিছত অসমকে ধৰি সমগ্ৰ উত্তৰ পূৰ্বাঞ্চলৰ সীমা নিৰ্ধাৰণৰ বিষয়টোৱে যথেষ্ট গুৰুত্ব লাভ কৰিছিল ।
(গ) ১৯৪৭ চনৰ আগষ্টত হোৱা ভাৰত বিভাজনে অসমৰ সৈতে ভাৰতৰ অন্যান্য অঞ্চলৰ যোগাযোগ বিঘ্নিত কৰিছিল । পশ্চিম বংগ আৰু অসমৰ মাজৰ ৰে'লপথ আৰু নদী পৰিবহণ পূৰ্ব পাকিস্তানৰ অন্তৰ্ভুক্ত হৈ পৰিছিল । গতিকে , পৰিবহণৰ নতুন পথৰ বিকাশ সাধন কৰিবলগীয়া হৈছিল ।
(ঘ) বিভাজনে বংগ-অসম-আৰাকান অঞ্চলৰ মাজত বিৰাজ কৰা জটিল অৰ্থনৈতিক সম্পৰ্কত ব্যাঘাত জন্মাইছিল ।
(ঙ) স্বাধীনতাৰ আগতে চাহ , নীল , মৰাপাট , ৰেছম আৰু কপাহী বস্ত্ৰৰ বাবে আন্ত:ৰাষ্ট্ৰীয় পৰ্যায়ত অসম প্ৰসিদ্ধ আছিল । বিভাজনে এই সকলোবোৰতে প্ৰভাৱ বিস্তাৰ কৰিছিল ।
(চ) ৰাজ্যখনৰ সামগ্ৰীৰ অৰ্থনৈতিক অৱস্থা নিম্ন পৰ্যায়ৰ আছিল । ইয়াৰ ফলত জনমূৰি আয় নিম্ন হয় আৰু মানুহৰ জীৱন ধাৰণৰ মানদণ্ডও নিম্ন হয় । এই পৰিস্থিতি উন্নত কৰিবলৈ চৰকাৰে জটিল পদক্ষেপ গ্ৰহণ কৰিবলগীয়া হৈছিল ।
(ছ) স্বাধীনতাৰ পিছত পূব পাকিস্তানৰ পৰা জন প্ৰব্ৰজন আৰম্ভ হয় । চৰকাৰে ইয়াৰ লগত মোকাবিলা কৰিবলগীয়া হৈছিল ।
৮/ অসম কৃষি বিশ্ববিদ্যালয় প্ৰতিষ্ঠাৰ চমু ইতিহাস লিখা ।
উত্তৰ :- ১৯১৩ চনত কৰিমগঞ্জত এটা কৃষি গৱেষণা কেন্দ্ৰ স্থাপনৰ পৰৱৰ্তী পৰ্যায়ত ১৯২৩ চনত তিতাবৰত অন্য এক কৃষি গৱেষণা কেন্দ্ৰ স্থাপনৰ পদক্ষেপকে অসম কৃষি বিশ্ববিদ্যালয়ৰ আৰম্ভণি বুলি অভিহিত কৰিব পাৰি । পাছৰ পৰ্যায়ত এখন কৃষি বিশ্ববিদ্যালয়ৰ প্ৰয়োজনীয়তা জৰুৰীভাৱে অনুভৱ কৰা হয় ।
ইয়াৰ ফলশ্ৰুতিত যোৰহাটত এখন নতুন কৃষি মহাবিদ্যালয় আৰু নগাঁৱত এখন পশু মহাবিদ্যালয় স্থাপন কৰা হয় । এই দুয়োখন মহাবিদ্যালয়ক অন্তৰ্ভুক্ত কৰি ১৯৬৯ চনত এখন কৃষি বিশ্ববিদ্যালয় স্থাপন কৰা হয় । পশু চিকিৎসা মহাবিদ্যালয়খন নগাঁৱৰ পৰা খানাপাৰা (গুৱাহাটী) লৈ স্থানান্তৰিত কৰা হয় ।
সমগ্ৰ উত্তৰ পূৰ্বাঞ্চলৰ ভিতৰত অসম কৃষি বিশ্ববিদ্যালয়খন প্ৰথম আৰু একমাত্ৰ কৃষি বিশ্ববিদ্যালয় ।
৯/ অসম চিকিৎসা মহাবিদ্যালয় প্ৰতিষ্ঠানৰ ইতিহাস লিখা ।
উত্তৰ :- অসমৰ প্ৰথমখন চিকিৎসা মহাবিদ্যালয় ডিব্ৰুগড়ত স্থাপন কৰা হয় । এইখন উত্তৰ-পূৰ্বাঞ্চলৰ প্ৰথমখন চিকিৎসা মহাবিদ্যালয় । ইষ্ট ইণ্ডিয়া কোম্পানীৰ চিভিল চাৰ্জন ডা০ জন বেৰী হোৱাইটৰ ৫০,০০০ টকাৰ অনুমোদনৰ পুঁজিৰে ১৯০০ চনত ডিব্ৰুগড়ত স্থাপন হোৱা বেৰী হোৱাইট মেডিকেল স্কুলৰ উন্নীতকৰণ হৈ এই মহাবিদ্যালয়ৰ প্ৰতিষ্ঠা হয় ।
১৯১০ চনত মহাবিদ্যালয়খনে ইংলেণ্ডৰ পৰা দুটা এক্স-ৰে মেচিন আমদানি কৰিছিল । ইয়াৰ ফলত মহাবিদ্যালয়খনে উন্নত চিকিৎসা শিক্ষা প্ৰদানৰ লগতে উন্নত চিকিৎসা সেৱা আগবঢ়াবলৈ সক্ষম হয় ।
দ্বিতীয় বিশ্বযুদ্ধৰ পিছত ১৯৪৫ চনৰ আগষ্টত আমেৰিকা যুক্তৰাষ্ট্ৰৰ সৈন্য বাহিনীয়ে ব্যৱহাৰ এখন চিকিৎসালয়ৰ চৌহদলৈ এই মহাবিদ্যালয়খন স্থানান্তৰিত কৰা হয় । ভাৰতৰ স্বাধীনতাৰ পাছত অৰ্থাৎ ১৯৪৭ চনত ৩ নৱেম্বৰত গোপীনাথ বৰদলৈ নেতৃত্বাধীন ৰাজ্য চৰকাৰে জন বেৰী হোঁৱাইট মেডিকেল স্কুলক অসম চিকিৎসা মহাবিদ্যালয় নামেৰে নামাকৰণ কৰে ।
এই পদক্ষেপক বৰদলৈ মন্ত্ৰীসভাৰ গুৰুত্বপূৰ্ণ সাফল্য হিচাপে গণ্য কৰা হয় ।
দীঘল উত্তৰৰ প্ৰশ্ন
১/ অসমীয়া ভাষা উন্নতি সাধিনীসভাৰ ভূমিকা আৰু কাৰ্যাৱলীৰ বিষয়ে আলোচনা কৰা ।
উত্তৰ :- উনবিংশ শতিকাৰ মাজ ভাগত দুটা দিশে প্ৰধান্য লাভ কৰিছিল । প্ৰথম দিশটো এয়ে যে এই সময়ছোৱাত এচাম নতুন শিক্ষিত মধ্যবিত্ত শ্ৰেণীৰ অসমীয়া বুদ্ধিজীৱী উত্থান ঘটিছিল । দ্বিতীয়টো হৈছে ৰাজ্যখনত জাতীয় চেতনাৰ বিকাশ । এই সময়ছোৱাত মধ্যবিত্ত শ্ৰেণীটোৱে নিজকে সংগঠিত কৰি অসমীয়া ভাষা-সংস্কৃতিৰ উন্নতিৰ বাবে পদক্ষেপ গ্ৰহণ কৰিছিল ।
ইয়াৰ ফলস্বৰূপে ১৮৫৭ চনত জ্ঞান প্ৰদায়িনী সভা আৰু ১৮৭২ চনত 'অসমীয়া লিটাৰেৰী ছ'চাইটীৰ ' নামৰ সংগঠন দুটাৰ প্ৰতিষ্ঠা হয় । ইয়াত তেওঁলোকে মাতৃভাষা পৰিহাৰ কৰি বাংলা ভাষা প্ৰয়োগ কৰিবলগীয়া হৈছিল । বহুতো যুৱকে নিজৰ ভাষাটোৰ পুনৰুত্থান কৰি ইয়াক সম্ভাব্য ক্ষেত্ৰত উত্তৰণৰ প্ৰয়োজনীতা অনুভৱ কৰিছিল ।
এই উদ্দেশ্য সাৰৰাগত কৰি ১৮৮৮ চনত অসমীয়া ভাষা উন্নতি সাধিনী সভা নামৰ এটি সংগঠন প্ৰতিষ্ঠা কৰা হৈছিল । অতি সোনকালে এই সংগঠনটোৱে হেমচন্দ্ৰ গোস্বামী, লক্ষীনাথ বেজবৰুৱা, কনকলাল বৰুৱা, ৰমাকান্ত বৰকটকী আৰু চন্দ্ৰকুমাৰ আগৰৱালাৰ সবল পৰিচালনাত এক সাহিত্য অনুষ্ঠান হিচাপে পৰিপক্কতা লাভ কৰিলে ।
এই সভাই অসমৰ লগতে কলিকতাত বসবাস কৰা অসমীয়া লোকসকলৰ মাজত একতা আৰু জাতীয় চেতনা উন্মেষ কৰাত সফল হৈছিল । অসমীয়া ভাষাক এক আদৰ্শ ভাষা হিচাপে উন্নীত কৰিবলৈ এই সভাই পৰিশুদ্ধ আৰু উন্নত মানদণ্ডৰ ব্যাকৰণ প্ৰয়োগৰ পদক্ষেপ লৈছিল ।
এই সভাৰ অন্য এক গুৰুত্বপূৰ্ণ পদক্ষেপ আছিল অসমৰ সৰ্বাত্মক সামাজিক ইতিহাস সংকলন যুগুত কৰণ । অসমীয়া ভাষা উন্নতি সাধিনী সভাই অসমীয়া ভাষাৰ সমৃদ্ধিৰ বাবে সংস্কৃত ভাষাৰ গ্ৰন্থ অসমীয়ালৈ অনুবাদ কৰাৰ পদক্ষেপ গ্ৰহণ কৰিছিল । এই সাহিত্য অনুষ্ঠানটোৰ প্ৰচেষ্টাতে চৰকাৰে হেমচন্দ্ৰ বৰুৱাৰ অন্যতম সৃষ্টি 'হেমকোষ' প্ৰকাশ কৰি উলিয়াইছিল ।
কাৰ্যৱলী :- অসমীয়া ভাষা উন্নতি সাধিনীসভাই অসমৰ বুৰঞ্জী, সংস্কৃতি, সাহিত্য আদিৰ বৌদ্ধিক আলোচনা অনুষ্ঠিত কৰিছিল । ই অসমৰ ভিন্ন ঠাইত শাখা প্ৰতিষ্ঠাৰ বাবে প্ৰয়াস কৰিছিল । এই সভাৰ আটাইতকৈ গুৰুত্বপূৰ্ণ অৱদান আছিল ইয়াৰ দ্বাৰা প্ৰকাশিত 'জোনাকী' নামৰ আলোচনীখনৰ, যিয়ে অসমীয়া সাহিত্যত এক নতুন যুগৰ সূচনা কৰিছিল ।
এই আলোচনীৰ জৰিয়তে বহুতো অসমীয়া যুৱক যুৱতীৰ সুপ্ত সাহিত্য প্ৰতিভাই ৰাজহুৱাভাৱে স্বীকৃত অৰ্জন কৰে । ভাষাৰ পুনৰুত্থানে জনসাধাৰণৰ মাজত সচেতনতাৰ সৃষ্টি কৰে । ইয়াৰ ফলত জাতীয়তাবাদী চেতনা জাগ্ৰত হয় আৰু বিদেশীৰ কবলৰ পৰা স্বাধীনতা প্ৰাপ্তিৰ স্পৃহা জাগ্ৰত হয় ।
২/ অসম ছাত্ৰ সন্মিলনৰ অৱদানৰ বিষয়ে লিখা ।
উত্তৰ :- ১৯১৬ চনৰ ২৪ ডিছেম্বৰত অসম ছাত্ৰ সন্মিলনৰ গঠন হৈছিল । লক্ষ্মীনাথ বেজবৰুৱাৰ সভাপতিত্বত গুৱাহাটীত এই সন্মিলনৰ প্ৰথমখন অধিবেশন অনুষ্ঠিত হৈছিল । অসম ছাত্ৰ সন্মিলনৰ প্ৰতিস্থাপক সম্পাদক আছিল চন্দ্ৰনাথ শৰ্মা । এই সন্মিলনৰ প্ৰধান অবদানকেইটা আছিল ---
(ক) অসমীয়া ভাষাৰ বিকাশ আৰু সংৰক্ষণৰ ক্ষেত্ৰত অৰিহণা আগবঢ়াই ভাষাটোক সমৃদ্ধিশালী কৰে ।
(খ) বিদ্যালয় আৰু মহাবিদ্যালয়ৰ ছাত্ৰসকলক নিজ মাতৃভাষাক ভাল পাবলৈ আৰু তেঁওলোকৰ স্বকীয় অৰিহণাৰে ইয়াক সমৃদ্ধ কৰিবলৈ অনুপ্ৰাণিত কৰিছিল আৰু এনেদৰে অসমীয়া ভাষাৰ উন্নতি সাধনৰ বাবে প্ৰশংসনীয় ভূমিকা পালন কৰিছিল । অসম ছাত্ৰ সন্মিলনে আৰম্ভনিতে ৰাজনীতিৰ লগত জড়িত হোৱা নাছিল ।
অসমীয়া ভাষাৰ উন্নতি সাধনৰ ক্ষেত্ৰতহেই জড়িত কৰিছিল । ইয়াৰ বাৰ্ষিক অধিৱেশনসমূহত শিক্ষা, ৰাজনীতি , সাহিত্যি আদি বিভিন্ন ক্ষেত্ৰৰ বিশিষ্ট ব্যক্তিসকলে যোগদান কৰিছিল । এনে কেইগৰাকীমান বিশিষ্ট ব্যক্তি আছিল লক্ষীনাথ বেজবৰুৱা, পদ্মনাথ গোহাঞিবৰুৱা, আচাৰ্য প্ৰফুল্ল চন্দ্ৰ ৰায় , কৃষ্ণকান্ত সন্দিকৈ ইত্যাদি । অসম ছাত্ৰ সন্মিলনে মিলন 'নামৰ মুখপত্ৰ এখন প্ৰকাশ কৰিছিল ।
৩/ ৰায়ত সভাসমূহৰ উদ্দেশ্য আৰু ভূমিকা সম্পৰ্কে এটি খতিয়ান দাঙি ধৰা ।
উত্তৰ :- প্ৰথমতেগঠন হোৱা আটাইতকৈ গুৰুত্বপূৰ্ণ ৰায়ত সভা দুখন হৈছে ১৮৮৪-৮৫ চনত গঠন হোৱা তেজপুৰ ৰায়ত সভা আৰু ১৮৮৬ - ৮৭ চনত গঠন হোৱা নগাঁও ৰায়ত সভা । এই ৰায়ত সভাসমূৰ পৰিকল্পনা অসমীয়া মধ্যবিত্ত শ্ৰেণীৰ লোকসকলে চূড়ান্ত কৰাৰ লগতে কাৰ্যকৰী কৰিছিল । কৃষকৰ অধিকাৰৰ বাবে সংগ্ৰাম কৰাটোৱেই ৰায়ত সভাৰ উদ্দেশ্য আছিল ।
ৰায়ত সভাই অসমত ব্ৰিটিছ চৰকাৰে প্ৰৱৰ্তন কৰা ভূমি নীতি আৰু ৰাজহ ব্যৱস্থাৰ বিৰুদ্ধে প্ৰতিবাদ সাব্যস্ত কৰিছিল । গ্ৰেজিং কৰ বন্ধ কৰ মাটিৰ খাজনা হ্ৰাস কৰা আমি দাবীও ৰায়ত সভাই উত্থাপন কৰিছিল । এই সভাই পূৰ্ববংগৰ পৰা অসমলৈ হোৱা প্ৰব্ৰজন ৰোধ কৰিবলৈও দাবী উত্থাপন কৰিছিল ।
অৱশ্যে লক্ষ্যণীয় কথাটো এয়ে যে ১৮৯৩-৯৪ চনত নগাঁও, দৰং আৰু কামৰূপ জিলাৰ বিভিন্ন অংশত সূত্ৰপাত হোৱা কৃষক বিদ্ৰোহসমূহত ৰায়ত সভাই সক্ৰিয় ভূমিকা পালন কৰা নাছিল । ঊনবিংশ শতিকাৰ আৰম্ভণিতে ৰায়ত সভাসমূৰ প্ৰাৰম্ভিক অৱস্থিতৰ অন্ত পৰে ।
১৯৩০ চনৰ পৰা ১৯৩৪ চনলৈ আইন অমান্য আন্দোলনৰ সময়ছোৱাত অসম প্ৰদেশ কংগ্ৰেছ কমিটিয়ে এই ৰায়ত সভাসমূৰ পুনৰ গঠন কৰে । এই সময়ছোৱাত ৰায়ত সভাসমূৰ মাটিৰ খাজনা ৫০ শতাংশ হ্ৰাস কৰিবলৈ দাবী-উত্থাপন কৰিছিল ।
ৰাজ্যখনত ৰায়ত সভাসমূৰ কাৰ্যৰ সমন্বয় সাধন কৰিবলৈ আৰু সামূহিক লক্ষ্যত উপনীত হ'বলৈ কংগ্ৰেছ নেতা নবীন চন্দ্ৰ বৰদলৈৰ তত্ত্বাৱধানত ১৯৩৩ চনৰ ৮ চনৰ ৮ এপ্ৰিলত সদৌ অসমত ৰায়ত সভাৰ গঠন হয় । পৰৱৰ্তী কেইটামান বৰ্ষত প্ৰায় ৩০০ খন ৰায়ত সভাৰ গঠন হয় ।
অৱশ্যে, ১৯৪০ চনৰ শেষৰফালে ৰায়ত সভাসমূৰ কাম কাজ নোহোৱা হৈ পৰিছিল । আৰু বুজন সংখ্যকে অসম প্ৰদেশ কংগ্ৰেছ কমিটিৰ লগত চামিল হৈ পৰিছিল ।
৪/ যোৰহাট সাৰ্বজনীক সভাৰ উদ্দেশ্য আৰু কাৰ্যাৱলী সম্পৰ্কে লিখা ।
উত্তৰ :- যোৰহাট সাৰ্বজনীক সভাৰ ১৮৮৪ চনত যোৰহাটত গঠন হয় । এই সভাৰ প্ৰতিষ্ঠাপক সভাপতি আছিল ৰজা নৰনাৰায়ণ আৰু প্ৰতিষ্ঠাপক সম্পাদক আছিল জগন্নাথ বৰুৱা ।
যোৰহাট সাৰ্বজনীক সভাৰ প্ৰধান উদ্দেশ্যসমূহ ---
(ক) চৰকাৰক ৰাইজৰ আশা-আকাংক্ষা সম্পৰ্কে জনোৱা ।
(খ) চৰকাৰৰ নীতিসমূহ ৰাইজক ব্যাখ্যা কৰা ।
(গ) জনসাধাৰণৰ দুখ-দুৰ্দশা হ্ৰাস কৰা ।
যোৰহাট সাৰ্বজনীক সভাৰ কাৰ্যাৱলীসমূহ ---
(ক) এই সভাই অসম ভূমি আৰু ৰাজহ নিয়ন্ত্ৰণ আইন, ১৮৮৬ ৰ বিৰোধিতা কৰিছিল ।
(খ) ১৮৯২-৯৩ চনৰ চৰকাৰে বৰ্দ্ধিত নিৰিখব ৰাজহ আৰোপ কৰাৰ বাবে সভাই কৃষক সমাজৰ সৈতে প্ৰতিবাদ সাব্যস্ত কৰিছিল ।
(গ) ১৮৯৩ চনত কানিৰ ব্যৱসায় অব্যাহত ৰাখিবলৈ ৰাজকীয় কানি আয়োগলৈ এখন স্মাৰক পত্ৰ প্ৰেৰণ কৰিছিল ।
(ঘ) এই সভাই ১৯০৫ চনৰ বংগ বিভাজনৰ বিৰুদ্ধে আৰম্ভণিতে বিৰোধিতা কৰিছিল যদিও তদানীন্তন অসমৰ মুখ্য আয়ুক্ত ব্যামফিল্ড ফুলাৰে অসমৰ সৈতে পূৰ্ববংগৰ চামিল কৰণৰ ফলত অসম উপকৃত হ'ব বুলি ব্যক্ত কৰাত ইয়াত বহুততা সদস্যই ধাৰণাটোৰ সম্বৰ্থন কৰিছিল ।
৫/ আছাম এছোচিয়েচন'ৰ ব্ৰিটিছ শাসনাধীন অসমত সমাজ সংস্কাৰৰ বাবে আগবঢ়োৱা অৱদান সম্পৰ্কে লিখা ।
উত্তৰ :- আছাম এছ'চিয়েছনৰ প্ৰথমখন অধিবেশন ১৯০৫ চনত ডিব্ৰুগড়ত অনুষ্ঠিত হৈছিল । এই অধিবেশনত ৰাজা প্ৰভাত চন্দ্ৰ বৰুৱাক সভাপতি আৰু মানিক চন্দ্ৰ বৰুৱাক সাধাৰণ সম্পাদক হিচাপে নিৰ্বাচিত কৰা হয় । ১৯০০ চনৰ পৰা ১৯২০ চনলৈ এই সংগঠনে জনসাধাৰণৰ মুখপাত্ৰ হিচাপে সেৱা আগবঢ়ায় ।
ই জনসাধাৰণৰ অভাৱ-অভিযোগ আৰু আশা-আকাংক্ষা সম্পৰ্কে কৰ্তৃ পক্ষক অৱগত কৰিছিল । ইয়াৰ বহুতো সদস্য আইন সভাৰ সদস্য হোৱা বাবে তেওঁলোকে চৰকাৰক প্ৰভাৱিত কৰিব পাৰিছিল আৰু এনেদৰে অসমৰ আৰ্থ-সামাজিক আৰু ৰাজনৈতিক পৰিস্থিতি উন্নীতকৰণৰ এই সংগঠনে প্ৰশংসনীয় ভূমিকা পালন কৰিছিল । আছাম এছ'চিয়েছনৰ কেইটামান পদক্ষেপ তলত উল্লেখ কৰা হ'ল ---
(ক) পৌৰসভাত চৰকাৰী বিষয়া আৰু স্থানীয় সমিতিত চাহ খেতিয়ক সকলৰ আধিপত্যৰ বিৰুদ্ধে সাব্যস্ত কৰিছিল ।
(খ) স্থানীয় সমিতিসমূহৰ গণতন্ত্ৰিকীকৰণৰ বাবে দাবী জনাইছিল ।
(গ) কৰ, আৱকাৰী শুল্ক আদিৰ বৃদ্ধিত বিৰোধিতা কৰিছিল ।
(খ) কানিৰ বিক্ৰী আৰু ব্যৱহাৰত সম্পূৰ্ণ নিষেধাজ্ঞা বলবৎ কৰাৰ দাবী উত্থাপন কৰিছিল ।
(ঙ) কলিকতা বিশ্ববিদ্যালয়ৰ সংস্থাত অসমীয়া লোক প্ৰতিনিধিত্ব আৰু কটন মহাবিদ্যালয়ত অসমীয়া শিক্ষকৰ নিযুক্তিৰ দাবীউত্থাপন কৰিছিল ।
(চ) ৰাজ্যখনত কাৰিকৰী শিক্ষানুষ্ঠান স্থাপনৰ আহ্বান কৰিছিল ।
(ছ) ১৯০৫ চনত পূৰ্ব বংগৰ সৈতে অসমক সংলগ্ন কৰাৰ বিৰোধিতা কৰিছিল ।
(জ) ১৯১৯ চনৰ মন্টেগা-ছেমছফ'ৰ্ড সংস্কাৰ অসমত প্ৰৱৰ্তন কৰাৰ দাবী উত্থাপন কৰিছিল ।
(ঝ) অসমত বিশ্ববিদ্যালয় স্থাপনৰ দাবী উত্থাপন কৰিছিল ।
৬/ অসম প্ৰদেশ কংগ্ৰেছ কমিটিৰ জন্ম আৰু মুখ্য ভূমিকা সম্পৰ্কে সংক্ষিপ্ত বিৱৰণ দিয়া ।
উত্তৰ :- অসম প্ৰদেশ কংগ্ৰেছ কমিটি গঠন ব্ৰিটিছ সাম্ৰাজ্য বাদৰ বিৰুদ্ধে জাতীয়তাবাদী চেতনা উন্মেষণৰ পৰিণতি আছিল । ১৮৮৫ চনত ভাৰতীয় জাতীয় কংগ্ৰেছ গঠনৰ পিছৰে পৰা ইয়াৰ অধিবেশন সমূহত অসমৰ বহুতো সংগঠনৰ সদস্যই অংশগ্ৰহণ কৰিছিল । অৱশ্যে জাতীয় কংগ্ৰেছৰ আৰ্হি আদৰ্শই মধ্যবিত্ত শ্ৰেণীৰ একাংশক যথেষ্ট আকৰ্ষিত কৰিছিল ।
অৱশেষত আছাম এছ'চিয়েছনক কংগ্ৰেছ সংগঠনলৈ পৰিৱৰ্তন কৰাৰ উদ্দেশ্য ১৯২১ চনৰ ১৮ এপ্ৰিলত ছবিলাল উপাধ্যায়ৰ পৌৰহিত্যত যোৰহাটত অনুষ্ঠিত অধিৱেশনৰ পাছত সেই বছৰৰে জুন মাহত নবীন চন্দ্ৰ বৰদলৈ, কৃষ্ণকান্ত ভট্টাচাৰ্য আৰু ছবিলাল উপাধ্যায়ৰ উদ্যোগত অসম প্ৰদেশ কংগ্ৰেছ কমিটি গঠন কৰা হয় ।
অসম প্ৰদেশ কংগ্ৰেছ কমিটিৰ মুখ্য ভূমিকাসমূহ হ'ল----
(ক) অসম প্ৰদেশ কংগ্ৰেছ কমিটিৰ উদ্যোগত ১৯২১ চনত গান্ধীজীক অসমলৈ নিমন্ত্ৰণ কৰা হয় । অসহযোগ আন্দোলনৰ প্ৰসাৰত এই প্ৰদক্ষেপে সহায় কৰিছিল ।
(খ) ১৯২৬ চনত পাণ্ডুত অনুষ্ঠিত জাতীয় কংগ্ৰেছৰ ৪১ তম অধিবেশন অসম প্ৰদেশ কংগ্ৰেছ কমিটিয়ে আয়োজন কৰিছিল ।
(গ) অসম প্ৰদেশ কংগ্ৰেছ কমিটিৰ নেতা বিষ্ণুৰাম মেধি, সিদ্ধিনাথ শৰ্মা, মৌলানা তৈবুল্লা, অম্বিকাগিৰী ৰায়চৌধুৰী আদিয়ে কংগ্ৰেছৰ পৰিকল্পনাসমূহ কাৰ্যকৰী কৰিবলৈ যথেষ্ট প্ৰয়াস কৰিছিল ।
(ঘ) কেবিনেট মিছনে অসম উত্তৰ পূৰ্বাঞ্চলক পূৰ্ববংগৰ লগত সাঙুৰি গোট 'গ'ৰ অন্তৰ্ভুক্ত কৰা পদক্ষেপক মুখ্যমন্ত্ৰী গোপীনাথ বৰদলৈৰ নেতৃত্বত অসম প্ৰদেশ কংগ্ৰেছ কমিটিয়ে বিৰোধিতা কৰিছিল । গান্ধীজীৰ সমৰ্থন আৰু বৰদলৈৰ নেতৃত্বত সংগঠিত হোৱা আন্দোলনৰ ফলত তেওঁলোকৰ উদ্দেশ্য সফল হৈছিল অৰ্থাৎ 'গ' গোটত অসম অন্তৰ্ভুক্ত নহ'ল ।
৭/ স্বদেশী আন্দোলনত অসমৰ ভূমিকাৰ বিষয়ে সংক্ষিপ্ত বিৱৰণ দিয়া ।
উত্তৰ :- অসমত স্বদেশী আন্দোলনৰ প্ৰভাৱ প্ৰধানকৈ ধুবুৰী , গৌৰীপুৰ , গোৱালপাৰা , তেজপুৰ , ডিব্ৰুগড় আদি ঠাইত পৰিলক্ষিত হৈছিল । কেশৰী অম্বিকাগিৰী ৰায়চৌধুৰী আৰু গোবিন্দ লাহিড়ীয়ে গুৱাহাটীৰ ছাত্ৰসকলৰ মাজত এটা বিপ্লৱী সংগঠন কৰিছিল ।
তেওঁলোকে অসমৰ লোকসকলক বিদেশী বস্ত বৰ্জন কৰিবলৈ আৰু থলুৱা সামগ্ৰী ব্যৱহাৰ কৰিবলৈ আহ্বান জনাইছিল । ইয়াৰ ফলস্বৰূপে বিদেশত নিৰ্মিত সামগ্ৰী বিশেষকৈ বস্তুৰ চাহিদা হ্ৰাস পাইছিল । স্থানীয় উদ্যোগ সমূহৰ বিকাশ সাধনৰ লগতে এড়ি, মুগা, পাট, খাদীবস্ত্ৰ আদি প্ৰস্তুতকৰণৰ লগত জড়িত কুটীৰ শিল্প বিকশিত হৈছিল ।
ছাত্ৰৰ এটা গোটে সপ্তাহত দুদিনকৈ জাহাজঘাটত কুলীৰ কাম কৰি যি ধন উপাৰ্জন কৰিছিল সেয়া স্বদেশী আন্দোলনৰ পুঁজিলৈ আগবঢ়াইছিল । ক্ষুদিৰাম বসু, উল্লেখ কৰ দত্ত আৰু বাৰীন্দ্ৰ ঘোষৰ লগত যোগাযোগ স্থাপনেৰে অম্বিকাগিৰি ৰায়চৌধুৰীয়ে ' সেৱা সংঘ' নামৰ এটা বিপ্লৱীসংগঠ গঠন কৰিছিল ।
স্বদেশী আন্দোলনৰ পৰা আঁতৰাই ৰাখিবলৈ ব্ৰিটিছ চৰকাৰে কিছুমান ব্যৱস্থা গ্ৰহণ কৰিছিল । ইয়াৰে কেইখনমান হ'ল ---
(ক) কলিকতা বিশ্ববিদ্যালয়ৰ প্ৰৱেশ পৰীক্ষাৰ পাঠ্যক্ৰমত অসমীয়া ভাষা আৰু সাহিত্যৰ অন্তৰ্ভুক্ত ।
(খ) উৎকৃষ্ট শিক্ষানুষ্ঠান হিচাপে কটন কলেজক গঢ়ি তুলিবলৈ ইয়াৰ সকলোবোৰ বিভাগতে স্নাতক মহলাৰ শ্ৰেণীৰ প্ৰাৰম্ভণ ।
(গ) অসমত কুৰিদফীয়া ভূমি বন্দোৱস্তিৰ প্ৰবৰ্তন ।
লক্ষ্যণীয় কথাটো এয়ে যে স্বদেশী আন্দোলন সুৰমা উপত্যকাত যথেষ্ট জনপ্ৰিয় আছিল । সুৰমা ভেলী এছ'চিয়েচনে এই আন্দোলনৰ নেতৃত্ব প্ৰদান কৰিছিল । এই অঞ্চলত হোৱা আন্দোলনৰ ফলস্বৰূপে শ্ৰীহট্ট, হবিগঞ্জ, শ্ৰীগংগা , লখাই বনিয়াচাং, কৰিমগঞ্জ, শিলচৰ আদিত জাতীয় বিদ্যালয় স্থাপিত হৈছিল ।
৮/ অসহযোগ আন্দোলনত অসমৰ ভূমিকা সম্পৰ্কে এটি খতিয়ান দাঙি ধৰা ।
উত্তৰ :- গান্ধীজীয়ে ভাৰতৰ সকলো লোকক যেতিয়া অসহযোগ আন্দোলনত অংশ গ্ৰহণ কৰিবলৈ আহ্বান জনাইছিল তেতিয়া আছাম এছ'চিয়েছনে আন্দোলনত অংশ গ্ৰহণ কৰাৰ সন্দৰ্ভত নিশ্চয়তা প্ৰদান কৰা নাছিল । গংগাগোবিন্দ বৰুৱা , তাৰা প্ৰসাদ চলিহা , ঘনশ্যাম বৰুৱা আৰু চন্দ্ৰধৰ বৰুৱাই আন্দোলনত অংশ গ্ৰহণ নকৰিবলৈ সিধান্ত লৈছিল ।
১৯২০ চনৰ ডিচেম্বৰ মাহত তেজপুৰত অনুষ্ঠিত আছাম এছ'চিয়েছনৰ ১৭ তম অধিবেশনত মহাত্মা গান্ধীৰ নেতৃত্বত আৰম্ভ হোৱা অসহযোগ আন্দোলনত অংশ গ্ৰহণ কৰিবলৈ সিদ্ধান্ত গ্ৰহণ কৰা হয় । ইয়াৰ ফলস্বৰূপে ১৯২১ চনৰ জুন মাহত আছাম এছ'চিয়েছন অসম প্ৰদেশ কংগ্ৰেছ কমিটিলৈ ৰূপান্তৰিত হয় ।
১৯২১ চনত মহাত্মা গান্ধীয়ে অসমত পদাৰ্পণ কৰাৰ পাছত অসহযোগ আন্দোলনৰ গতিতীব্ৰতৰ হৈছিল । হাজাৰ হাজাৰ লোকে তেওঁৰ সভাত অংশ গ্ৰহণ কৰিছিল । মহাত্মা গান্ধীৰ আহ্বান ক্ৰমে বহুতো লোকে আন্দোলনত অংশ গ্ৰহণৰ পদক্ষেপেৰে শিক্ষানুষ্ঠান, চৰকাৰী কাৰ্যালয় আৰু আদালত বৰ্জন কৰিছিল ।
অসহযোগ আন্দোলনলৈ পূৰ্ণ সমৰ্থন আগবঢ়োৱা অন্য এটা গোট আছিল চাহ বাগিছাৰ শ্ৰমিকসকল । তেওঁলোকে ঔপনিৱেশিক শশাষণৰ বিৰুদ্ধে ক্ষোভ প্ৰকাশ কৰাৰ সুযোগ গ্ৰহণ কৰিলে । ১৯২১ চনত কৰিমগঞ্জ মহকুমাৰ প্ৰায় ৮০০০ হেজাৰ চাহ শ্ৰমিকে কংগ্ৰেছৰ নেতৃত্বত ঔপনিৱেশিক শাসকৰ বিৰুদ্ধে প্ৰতিবাদ সাব্যস্ত কৰিছিল ।
তেওঁলোকে মজুৰি বৃদ্ধিৰ বাবে দাবী উত্থাপন কৰিছিল । অৱশ্যে, চৰকাৰে কঠোৰভাৱে এই বিক্ষোভ দমন কৰিছিল । ইয়াৰ ফলত ভালেমান শ্ৰমিকৰ মৃত্যু হৈছিল আৰু বাকীসকলে পুনৰায় কামত যোগদান কৰিবলৈ বাধ্য হৈছিল ।
অসহযোগ আন্দোলনৰ এটা ইতিবাচক প্ৰভাৱ এয়ে যে ইয়াৰ ফলত গুৱাহাটী, নলবাৰী , যোৰহাট, তেজপুৰ, শিৱসাগৰ, নগাঁও, কৰিমগঞ্জ আৰু মৌলবী বজাৰকে ধৰি অসমৰ ভিন্ন ঠাইত জাতীয় শিক্ষানুষ্ঠান স্থাপিত হৈছিল ।
অসমত স্থাপিত প্ৰথমটো জাতীয় শিক্ষানুষ্ঠান আছিল ১৯২১ চনৰ ফেব্ৰুৱাৰীত গুৱাহাটীত স্থাপিত তিলক সোঁৱৰণী স্কুল । এই আন্দোলনৰ অন্য এটা ইতিবাচক প্ৰভাৱ এয়ে যে ইয়াৰ ফলত কানিৰ ব্যৱহাৰ হ্ৰাস পাইছিল । পূৰ্বতে অসম ৰাজ্যত বিস্তৃতভাৱে কানিৰ ব্যৱহাৰ হৈছিল ।
কিন্ত কংগ্ৰেছৰ নেতৃত্বত হোৱা কানি বিৰোধী অভিযানৰ বাবে কানিৰ বিক্ৰী আৰু ব্যৱহাৰ যথেষ্ট হ্ৰাস পায় । কানি বিক্ৰীৰ জৰিয়তে আয় হোৱা ৰাজহ ১৯ লাখ টকা পৰ্যন্ত হ্ৰাস পাইছিল ।
৯/ আইন অমান্য আন্দোলনত অসমৰ ভূমিকা সম্পৰ্কে খতিয়ান দাঙি ধৰা ।
উত্তৰ :- গান্ধীজীৰ লোণ সত্যাগ্ৰহৰ সমৰ্থন হেমচন্দ্ৰ বৰুৱা, মহম্মদ তৈবুল্লা , বিষ্ণুৰাম মেধি, অম্বিকাগিৰি ৰায়চৌধুৰী আদি কংগ্ৰেছ নেতাসকলে গুৱাহাটীৰ জজ খেলপথাৰত একত্ৰিত হৈছিল আৰু গান্ধীৰ লোণ সত্যাগ্ৰহৰ সন্দৰ্ভত সহমত পোষণ কৰিছিল । গান্ধীজীৰ নেতৃত্বত হোৱা দাণ্ডি যাত্ৰাত সেই সময়ত কলিকতাৰ চি , টি কলেজত অধ্যয়নৰত অসমীয়া ছাত্ৰ লীলাধৰ বৰুৱাই অংশগ্ৰহণ কৰিছিল ।
অৱশ্যে, অসমৰ বহুতো কংগ্ৰেছ সদস্যই ৰাজ্যখনত আইন অমান্য আন্দোলন সূচনা কৰাৰ আগ্ৰহী নাছিল । বিষ্ণুৰাম মেধি, মহম্মদ তৈবুল্লা আৰু অম্বিকাগিৰী ৰায়চৌধুৰীয়ে কংগ্ৰেছৰ সাংগঠনিক কাৰ্যত নেতৃত্ব প্ৰদানেৰে দলটোত নতুন জীৱন সঞ্চাৰ কৰিছিল । তেওঁলোকৰ নেতৃত্বত আইন অমান্য আন্দোলন অসমত গণ আন্দোলন পৰিণত হৈছিল ।
আন্দোলনৰ বিভিন্ন দিশ সংগঠিত কৰিবলৈ ভালেমান নতুন কমিটি আৰু উপ কমিটিৰ গঠন কৰা হৈছিল । এই সমিতিসমূহৰ প্ৰদান উদ্দেশ্য আছিল পুঁজি বৃদ্ধি কৰা, অৱদমনকাৰী আইন আৰু অধ্যাদেশৰ অৱমাননা কৰা, বিদেশী বস্তৰ বৰ্জন কৰা আৰু ৰাজ্যখনত কানিবিৰোধী আৰু সুৰাবিৰোধী অভিযান তীব্ৰতৰ কৰা ।
অৱশ্যে দুটা ঘটনাই তেওঁলোকক জাতীয় আন্দোলনত অংশ গ্ৰহণ কৰিবলৈ উৎসাহিত কৰে । তাৰে এটা আছিল ব্ৰিটিছ চৰকাৰৰ দ্বাৰা পণ্ডিত জৱাহৰলাল নেহেৰু আৰু মহাত্মা গান্ধীৰ গ্ৰেপ্তাৰ । তেওঁলোকৰ গ্ৰেপ্তাৰৰ বিৰুদ্ধে বৃহৎসংখ্যক ছাত্ৰই প্ৰতিবাদ সাব্যস্ত কৰিছিল ।
তেওঁলোকক বিধ্বিহিৰ্ভূতভাৱে গ্ৰেপ্তাৰ কৰাৰ বিৰুদ্ধে হাজাৰ হাজাৰ ছাত্ৰই শ্ৰেণীবৰ্জন কৰিছিল । ১৯৩০ চনৰ জুলাই আৰু আগষ্ট মাহত ১৫,১৮৬ জন ছাত্ৰৰ ভিতৰত ৩,১১৭ জনেনিজ শিক্ষানুষ্ঠান এৰিছিল । পৰৱৰ্তী পৰ্যায়ত কানিৰ দোকানসমূহ বন্ধকৰাৰ পদক্ষেপ গ্ৰহণ কৰা হৈছিল । বৃহৎসংখ্যক কৃষকে এই আন্দোলনত যোগদান কৰিছিল ।
তেওঁলোকে ভূমিৰাজহ ৫০ শতাংশ হ্ৰাস কৰাৰ দাবী উত্থাপন কৰিছিল । চাপাপুৰ আৰু বিজনীত বন আইননা উলংঘা কৰা হৈছিল । ব্ৰক্ষ্মপুত্ৰ উপত্যকাৰ ছাত্ৰসকলক অনুসৰণ কৰি সুৰমা উপত্যকাৰ ছাত্ৰসকলেও আন্দোলনত অংশ গ্ৰহণ কৰিছিল । এই আটাইবোৰ পদক্ষেপে আইন অমান্য আন্দোলনক অসমত সফল কৰি তুলিছিল ।
১০/ অসমত ভাৰত ত্যাগ আন্দোলনৰ এটি খতিয়ান দাঙি ধৰা ।
উত্তৰ :- ১৯৪২ চনৰ ৮ আগষ্টত মুম্বাই মহাত্মা গান্ধীয়ে ভাৰত ত্যাগ আন্দোলন আৰম্ভ কৰিছিল । এই আন্দোলনৰ সময়ছোৱাতে মহাত্মা গান্ধীয়ে তেওঁৰ বিখ্যাত 'কৰিম মিম্বা মৰিম' শ্লোগানেৰে ভাৰতীয়সকলক আন্দোলনত অংশ গ্ৰহণ কৰিবলৈ আহ্বান জনাইছিল । জাতীয় আন্দোলনৰ অনুৰণন অসমতা হৈছিল
ভাৰতৰ অন্যতম অংশৰ দৰে অসমৰ কংগ্ৰেছ নেতাসকলেও ৰাজ্যখনত ভাৰত ত্যাগ আন্দোলন সংগঠিত কৰিছিল । অৱশ্যে অতি সোনকালে অধিকাংশ নেতাক গ্ৰেপ্তাৰ কৰি কাৰাগাৰত নিক্ষেপ কৰা হয় ।
অসম প্ৰদেশ কংগ্ৰেছ কমিটী , সকলো জিলা কংগ্ৰেছ কমিটি আৰু অন্যান্য ঐক্যমঞ্চ সমূহক অবৈধ বুলি ঘোষণা হয় । বৃহৎ জনসমাৱেশ , হতাল, প্ৰতিবাদী শোভাযাত্ৰা আদিৰ ৰূপত চৰকাৰ বিৰোধী যিকোনো বিক্ষোভ প্ৰদৰ্শন পদক্ষেপ নিষিদ্ধ কৰা হয় ।
অৱশ্যে , কিছুসময় অতিবাহিত হোৱাৰ পাছত আন্দোলনটো সামান্য ভাৱে উগ্ৰ হয় । জনসাধাৰণে চৰকাৰী ভৱন ধ্বংসৰ লগতে ৰে'ল নথ আৰু সামৰিক বাহিনীৰ অস্ত্ৰ-শস্ত্ৰৰ বাট - পথসমূহৰ ক্ষতি সাধন কৰিছিল । এনে উগ্ৰ বিক্ষোভৰ ঘটনা নগাঁও আৰু দৰং জিলাত সংঘটিত হৈছিল ।
ৰে'ল বগৰোৱাৰ ঘটনা সংঘটিত হোৱা ঠাইসমূহ আছিল হাবিগঞ্জৰ চাহাবী বজাৰ , গোলাঘাটৰ বৰপথাৰ , কামৰূপৰ পাণবাৰী আৰু ৰঙিয়া আৰু শিৱসাগৰ জিলাৰ চফ্ৰাই ।
চৰকাৰে এই বিদ্ৰোহ কঠোৰভাৱে দমন কৰিবলৈ চেষ্টা কৰিছিল । শ শ মানুহক গ্ৰেপ্তাৰ কৰি কাৰাৰুদ্ধ কৰা হয় । বৰপথাৰত ৰে'ল বগৰোৱাৰ অপৰাধত কুশল কোঁৱৰক ফাঁচী দিয়া হয় । তেওঁ ভাৰত ত্যাগ আন্দোলনৰ সময়ছোৱাত মৃত্যুদণ্ডৰে দণ্ডিত হোৱা একমাত্ৰ ভাৰতীয় ।
অসমৰ কেইবা ঠাইত পুলিচৰ দ্বাৰা গুলীচালনাৰ ঘটনা সংঘটিত হয় । এনে এক গুলীচালনাৰ ঘটনাত গহপুৰৰ কনকলতা বৰুৱা নামৰ এগৰাকী ১৪ বছৰীয়া কিশোৰীয়ে মৃত্যুবৰণ কৰে । আন্দোলনৰ প্ৰধান নেতাসকল কাৰাগাৰত থকাৰ পৰিপ্ৰেক্ষিতত কংগ্ৰেছ দলৰ আত্মগোপনকাৰী নেতাই অসমত আন্দোলন পৰিচালনা কৰিছিল ।
শংকৰ চন্দ্ৰ বৰুৱা , মহেন্দ্ৰ নাথ হাজৰিকা , জ্যোতিপ্ৰসাদ আগৰৱালা, গহন চন্দ্ৰ গোস্বামী, লক্ষীপ্ৰসাদ গোস্বামী, ব্ৰজনাথ শৰ্মা আদিয়ে আত্মগোপনকাৰী সংগঠনৰ নেতৃত্ব বহনেৰে এই আন্দোলনৰ সময়ছোৱাত গুৰুত্বপূৰ্ণ ভূমিকা পালন কৰিছিল । কেৱল বজালী অঞ্চলতে ৩২ টা গোপন স্বেচ্ছাসেৱী কেন্দ্ৰ স্থাপন কৰা হৈছিল ।
কামৰূপ, নগাঁও, দৰং আৰু শিৱসাগৰ জিলাৰ বিভিন্ন অংশতে এনেকুৱা ভালেমান সংগঠন প্ৰতিষ্ঠা কৰা হৈছিল । এই আন্দোলনৰ এটা লক্ষ্যণীয় দিশ এয়ে যে এই আন্দোলনৰ সময়ছোৱাত গাওঁবাসী যথেষ্ট সক্ৰিয় হৈ পৰিছিল । বহুতো গাঁৱত সংগঠিত হোৱা সমান্তৰাল চৰকাৰে প্ৰশাসনৰ বিভিন্ন দিশৰ ওপৰত গুৰুত্ব আৰোপ কৰিছিল ।
বজালী , হাতীচোং, ঢকুৱাখানা, ৰহা , জামুগুৰি আৰু বাঁহজানিত গাঁও পঞ্চায়ত গঠন কৰা হৈছিল । বহুতো গাঁৱত ৰাজহ বিৰোধী পদক্ষেপ তীব্ৰ হৈছিল । অন্যাৰ্থত ব্ৰিটিছৰ বিৰুদ্ধে বিস্তৃতভাৱে চেতনাৰ উন্মেষণ হৈছিল । এই ক্ষেত্ৰত সন্দেহ নাই যে যদিও ভাৰত ত্যাগ আন্দোলন কঠোৰভাৱে দমন কৰা হৈছিল ।
১১/ বৰদলৈ মন্ত্ৰীসভাৰ নেতৃত্বত অসমত স্থাপিত হোৱা শিক্ষানুষ্ঠান সমূহৰ বিষয়ে এটি সংক্ষিপ্ত বিৱৰণ দিয়া ।
উত্তৰ :- বৰদলৈ মন্ত্ৰীসভাৰ নেতৃত্বত অসমত স্থাপিত হোৱা শিক্ষানুষ্ঠান সমূহ হৈছে ----
(ক) অসম কৃষি বিশ্ববিদ্যালয় :- ১৯৪৮ চনত যোৰহাটত অসম কৃষি মহাবিদ্যালয় স্থাপন হয় আৰু নগাঁৱত অসম পশু মহাবিদ্যালয় স্থাপিত হয় । ১৯৬৯ চনত এই দুয়ো খন মহাবিদ্যালয় অসম কৃষি বিশ্ববিদ্যালয় নামৰ এখন বিশ্ববিদ্যালয়ৰ অন্তৰ্ভুক্ত হয় ।
যদিও এই বিশ্ববিদ্যালয়খন বৰদলৈ মন্ত্ৰীসভাৰ কাৰ্যকালত প্ৰতিষ্ঠা কৰা হোৱা নাছিল তথাপি এনে বিশ্ববিদ্যালয় প্ৰতিষ্ঠাৰ প্ৰাৰম্ভিক পদক্ষেপ বৰদলৈ মন্ত্ৰীসভাৰ সময়ছোৱাতে গ্ৰহণ কৰা হৈছিল ।
(খ) গুৱাহাটী বিশ্ববিদ্যালয় :- ১৯৪৮ চনৰ ২৬ জানুৱাৰীত গুৱাহাটী বিশ্ববিদ্যালয় স্থাপন কৰা হৈছিল । এই বিশ্ববিদ্যালয়খন উত্তৰ-পূৰ্বাঞ্চলৰ প্ৰথমখন বিশ্ববিদ্যালয় । ১৯১৭ চনত ছেডলাৰ আয়োগে অসমত বিশ্ববিদ্যালয় স্থাপনৰ সন্দৰ্ভত পোন প্ৰথমে অভিমত প্ৰকাশ কৰিছিল ।
অসমত বিশ্ববিদ্যালয় স্থাপন কৰাটো আছাম এছ'চিয়েছনৰ এক অন্যতম গুৰুত্বপূৰ্ণ দাবী আছিল । ফলস্বৰূপে অসম চৰকাৰৰ গুৱাহাটী বিশ্ববিদ্যালয় আইন ১৯৪৭ অধীনত ১৯৪৮ চনত এইখন বিশ্ববিদ্যালয় স্থাপন কৰা হয় ।
ইয়াৰ আনুষ্ঠানিক প্ৰতিষ্ঠাৰ সময়ত ইয়াৰ অধীনত ১৭ খন মহাবিদ্যালয় আৰু আঠটা স্নাতকোত্তৰ বিভাগ আছিল । ১৯৫৫-৫৬ চনত বিশ্ববিদ্যালয়খন গুৱাহাটীৰ মাজমজিয়াত অৱস্থিত ইয়াৰ পূৰ্বৰ স্থানৰ পৰা বৰ্তমানৰ জালুকবাৰী চৌহদলৈ স্থানান্তৰিত কৰা হয় ।
(গ) অসম চিকিৎসা মহাবিদ্যালয় --- ইষ্ট ইণ্ডিয়া কোম্পানীৰ চিভিল চাৰ্জন ডা: জন বেৰী হোৱাইটৰ ৫০,০০০ টকাৰ অনুদানৰ পুঁজিৰে ১৯০০ চনত ডিব্ৰুগড়ত স্থাপন হোৱা বেৰী হোৱাইট মেডিকেল স্কুলৰ উন্নীতকৰণ হৈ অসম চিকিৎসা মহাবিদ্যালয়ৰ প্ৰতিষ্ঠা হয় ।
দ্বিতীয় বিশ্বযুদ্ধৰ পিছত ১৯৪৫ চনত আগষ্টত আমেৰিকা যুক্তৰাষ্ট্ৰৰ সৈন্য বাহিনীয়ে ব্যৱহাৰ কৰা এখন চিকিৎসালয়ৰ চৌহদলৈ এই মহাবিদ্যালয়খন স্থানান্তৰিত কৰা হয় ।
এই নতুন চিকিৎসা মহাবিদ্যালয়খনক অসম চিকিৎসা মহাবিদ্যালয় হিচাপে নামাকৰণ কৰা হয় । অসমৰ সাধাৰণ জনগণক স্বাস্থ্য সেৱা প্ৰদানৰ দিশটোৰ প্ৰতি লক্ষ্য ৰাখি ১৯৪৭ চনৰ ৩ নবেম্বৰত ইয়াক আনুষ্ঠানিকভাৱে প্ৰতিষ্ঠা কৰা হয় ।
এনে ধৰণৰ আৰু প্ৰশ্নোত্তৰ ছাবৰ বাবে অধ্যায় সমূহ নিৰ্ধাৰণ কৰক ।
CLASS 1O COCIAL SCIENCE ANSWER
ইতিহাসৰ প্ৰথম খণ্ড
৪/ স্বাধীনতা আন্দোলন আৰু অসমত জাতীয় জাগৰণ
CLASS 1O ASSAMESE QUESTION ANSWER
CLASS 11 QUESTION ANSWER
