মহাত্মা গান্ধী আৰু ভাৰতৰ স্বাধীনতা সংগ্ৰাম
অতি চমু উত্তৰৰ প্ৰশ্ন :
১/ মহাত্মা গান্ধীৰ কেতিয়া জন্ম হৈছিল ।
উত্তৰ :- মহাত্মা গান্ধীৰ ১৮৬৯ চনৰ ২ অক্টোবৰ তাৰিখে গুজৰাটৰ পোৰবন্দত জন্ম গ্ৰহণ কৰিছিল ।
২/ সত্যাগ্ৰহৰ কৌশল গান্ধীয়ে কোন দেশত পোন প্ৰথমতে প্ৰয়োগ কৰিছিল ?
উত্তৰ :- সত্যাগ্ৰহ কৌশল গান্ধীয়ে দক্ষিণ আফ্ৰিকা দেশত পোন প্ৰথমতে প্ৰয়োগ কৰিছিল ।
৩/ ৰবীন্দ্ৰনাথ ঠাকুৰে কিয় নাইট উপাধি ত্যাগ কৰিছিল ।
উত্তৰ :- জালিৱানাৱালা বাগৰ হত্যা কাণ্ডৰ প্ৰতিবাদত ৰবীন্দ্ৰনাথ ঠাকুৰে 'নাইট উপাধি ত্যাগ কৰিছিল ।
৪/ কাৰ কাৰ নেতৃত্বত ভাৰতৰ খিলাফৎ আন্দোলনৰ সূচনা হৈছিল ।
উত্তৰ :- মৌলানা চৌকত আলি আৰু মহম্মদ আলিৰ নেতৃত্বত ভাৰতৰ খিলাফৎ আন্দোলনৰ সূচনা হৈছিল ।
৫/ চৌৰীচৌৰাৰ ঘটনা কেতিয়া সংঘটিত হৈছিল ?
উত্তৰ :- চৌৰীচৌৰা ঘটনা ১৯২২ চনৰ ফেব্ৰুৱাৰী মাহত সংঘটিত হৈছিল ।
৬/ কেনে পৰিস্থিতিত লালা লাজপত ৰায়ৰ মৃত্যু হৈছিল ?
উত্তৰ :- ১৯২৭ চনত চাইমন কমিছন ভাৰতত পদাৰ্পণ ব্ৰাৰ পৰিপ্ৰেক্ষিতত লালা লাজপত ৰায়ৰ নেতৃত্বত প্ৰতিবাদী সমদলে প্ৰতিবাদ সাব্যস্ত কৰোঁতে সমদলটোৰ ওপৰত লাঠী চালনাৰ ফলস্বৰূপে লালা লাজপত ৰায় গুৰুতৰভাৱে আহত হয় । এই আঘাততে তেওঁৰ মৃত্যু হয় ।
৭/ কেতিয়া আৰু ভাৰতীয় জাতীয় কংগ্ৰেছ কোনখন অধিবেশনত ভাৰতীয়সকলৰ মূল দাবী হিচাপে পূৰ্ণ স্বৰাজৰ দাবী উত্থাপন কৰা হৈছিল ?
উত্তৰ :- ১৯২৯ চনত লাহোৰত অনুষ্ঠিত কংগ্ৰেছ অধিবেশনত ভাৰতীয়সকলৰ মূল দাবী হিচাপে পূৰ্ণ স্বৰাজৰ দাবী উত্থাপন হৈছিল ।
৮/ গান্ধীজীয়ে সবৰমতী আশ্ৰমৰ পৰা পৰা ডাণ্ডিৰ সাগৰ পাৰলৈ লোন আইন ভংগ কৰিবলৈ গৈছিল । সবৰমতী আশ্ৰম আৰু ডাণ্ডিৰ মাজৰ দূৰত্ব কিমান ?
উত্তৰ :- গান্ধীজীয়ে সবৰমতী আশ্ৰমৰ পৰা দাণ্ডিৰ সাগৰ পাৰলৈ লোণ আইন ভংগ কৰিবলৈ গৈছিল । সবৰমতী আশ্ৰম আৰু দাণ্ডিৰ মাজৰ দূৰত্ব আছিল ৩৮৫ কি: মি: ।
৯/ সীমান্ত গান্ধী নামেৰে কাক জনা যায় ?
উত্তৰ :- সীমান্ত গান্ধী নামেৰে খান আব্দুল গফৰক জনা যায় ।
১০/ লণ্ডনত অনুষ্ঠিত হোৱা দ্বিতীয় ঘুৰণীয়া মেজমেলত কোনে কংগ্ৰেছক এককভাবে প্ৰতিনিধিত্ব কৰিছিল ?
উত্তৰ :- লণ্ডনত অনুষ্ঠিত হোৱা দ্বিতীয় ঘূৰণীয়া মেজমেলত মহাত্মা গান্ধীয়ে কংগ্ৰেছক এককভাবে প্ৰতিনিধিত্ব কৰিছিল ।
১১/ ১৯৩২ চনত সাম্প্ৰদায়িক বটোৱাৰা ঘোষণা কৰা বৃটিছ প্ৰধানমন্ত্ৰীজনৰ নাম কি আছিল ।
উত্তৰ :- ১৯৩২ চনত সাম্প্ৰদায়িক বটোৱাৰা ঘোষণা কৰা বৃটিছ প্ৰধানমন্ত্ৰীজনৰ নাম হ'ল ---- ৰামছে মেকডোনাল্ড ।
১২/ কোনটো আন্দোলনৰ সময়ছোৱাত গান্ধীজীয়ে 'কৰিম কিম্বা মৰিম' শ্লোগান দিছিল ?
উত্তৰ :- ১৯৪২ চনৰ ভাৰত ত্যাগ আন্দোলনৰ সময়ছোৱাত গান্ধীজীয়ে 'কৰিম কিম্বা মৰিম' শ্লোগান দিছিল ।
১৩/ আজাদ হিন্দ ফৌজৰ প্ৰতিষ্ঠাতা কোন ?
উত্তৰ :- আজাদ হিন্দ ফৌজৰ প্ৰতিষ্ঠাতা হ'ল ---- ৰাসবিহাৰী বসু পোন প্ৰথমে ধাৰণাটো পোষন কৰিছিল কেপ্টেইন মোহন সিঙে ।
১৪/ "মোক তেজ দিয়া, মই তোমালোকক স্বাধীনতা দিম "
এই বাণীটো কোন ভাৰতীয় নেতাৰ আছিল ?
উত্তৰ :- "মোক তেজ দিয়া, মই তোমালোকক স্বাধীনতা দিম" এই বিখ্যাত বাণীটো সুভাষ বসুৰ আছিল ।
১৫/ ভাৰত আৰু পাকিস্তানৰ মাজত সীমাৰেখাক কি নামেৰে জনা যায় ।
উত্তৰ :- ভাৰত আৰু পাকিস্থানৰ মাজৰ সীমাৰেখাক ৰেডক্লিফ ৰেখা নামেৰে জনা যায় ।
দীঘল উত্তৰৰ প্ৰশ্ন :
১/ সত্যাগ্ৰহ বুলিলে কি বুজা ? যি তিনিটা স্থানীয় বিবাদৰ ক্ষেত্ৰত গান্ধীয়ে সত্যাগ্ৰহক প্ৰথমতে প্ৰয়োগ কৰিছিল সেই তিনিটাৰ বিষয়ে সংক্ষিপ্ত ৰূপত লিখা ।
উত্তৰ :- দক্ষিণ আফ্ৰিকাত থকা অৱস্থাত মহাত্মা গান্ধীয়ে সত্যাগ্ৰহৰ ধাৰণাটোৰ বিকাশ সাধন কৰিছিল । দক্ষিণ আফ্ৰিকাৰ চৰকাৰৰ বৈষম্যমূলক পদক্ষেপৰ বিৰুদ্ধে প্ৰতিৰোধৰ মুখ্য অস্ত্র হিচাপে তেওঁ এই ধাৰণাটো ব্যৱহাৰ কৰিছিল । সত্যাগ্ৰহ শব্দটো 'সত্য' আৰু 'আগ্ৰহ' শব্দ দুটা মিলিত হৈ সৃষ্টি হৈছে ।
ইয়াৰ অৰ্থ হৈছে 'সত্যৰ প্ৰতি আগ্ৰহ' । সত্যাগ্ৰহৰ ভিত্তি হৈছে অহিংসা আৰু সত্য । এয়া সত্য ক্ষোভ-অসন্তষ্টি প্ৰকাশৰ শান্তিপূৰ্ণ উপায় অৱলম্বনেৰে ক্ষমতাৰ বিৰুদ্ধে নিৰস্ত্ৰ সংগ্ৰাম । এয়া হৈছে বেয়াৰ বিৰুদ্ধে ভাল, ঘৃণাৰ বিৰুদ্ধে প্ৰেম আদিৰে কৰা সংগ্ৰামৰ অনুশীলন' ।
অৱশেষত দক্ষিণ আফ্ৰিকা আৰু ভাৰত উভয়তে ব্ৰিটিছৰ বিৰুদ্ধে সংগ্ৰামত অৱতীৰ্ণ হোৱাৰ ক্ষেত্ৰত সত্যাগ্ৰহ গান্ধীজীৰ মুখ্য অস্ত্র হৈ পৰিল । ১৯১৫ চনত গান্ধীজীয়ে ভাৰতত উপনীত হৈ সঠিক ধৰণে আৰু বিস্তৃতভাৱে সত্যাগ্ৰহ আন্দোলন সংঘটিত কৰিছিল । দক্ষিণ আফ্ৰিকাত তেওঁ আহৰণ কৰা শিকনি তেওঁৰ পথ প্ৰদৰ্শনকাৰি নীতি হৈ পৰে ।
যি তিনিটা স্হানীয় বিবাদৰ ক্ষেত্ৰত গান্ধীয়ে সত্যাগ্ৰহক প্ৰথমতে প্ৰয়োগ কৰিছিল সেই তিনিটাৰ বিষয়ে তলত উল্লেখ কৰা হ'ল ---
(ক) চম্পাৰণ (উত্তৰ বিহাৰ ) বিবাদৰ :- ১৯১৭ চনত গান্ধীয়ে বিহাৰৰ চম্পাৰণৰ নিপীড়িত নীল খেতিৰ শ্ৰমিকসকলৰ বিষয়টোত দৃষ্টি নিবদ্ধ কৰিছিল । শ্ৰমিকসকলে চহকী নীল খেতিৰ গৰাকীসকলৰ অসংগত ব্যৱস্থাপনাৰ বাবে অশেষ যাতনা ভোগ কৰিবলগীয়া হৈছিল ।
(খ) খেড়া (গুজৰাট) বিবাদ :- ১৯১৮ চনত গুজৰাটৰ খেড়া জিলাত শস্য নষ্ট হোৱাৰ সত্ত্বেও চৰকৰে ভূমি ৰাজহ ৰেহাই দিবলৈ অমান্তি হৈছিল, সম্পূৰ্ণ মাত্ৰাত ৰাজহ সংগ্ৰহৰহে পোষকতা কৰিছিল । মহাত্মা গান্ধীয়ে কৃষকসকলৰ সমৰ্থন কৰিছিল আৰু কৃষকসকলৰ ৰাজহ ৰেহাইৰ দাবী মানি নোলোৱালৈকে ৰাজহ পৰিশোধন কৰিবলৈ তেওঁলোক পৰামৰ্শ প্ৰদান কৰিছিল ।
আহমেদাবাদ ( গুৱাহাট ) বিবাদ :- আহমেদাবাদৰ মিল শ্ৰমিক আৰু মিল মালিকসকলৰ মাজৰ বিবাদ মীমাংসা কৰিবলৈ সত্যাগ্ৰহক কৌশল হিচাপে প্ৰয়োগ কৰিছিল ।
২/ ভাৰতত খিলাফৎ আন্দোলন কিয় আৰম্ভ হৈছিল ?
উত্তৰ :- প্ৰথম বিশ্বযুদ্ধত তুৰ্কীসকলৰ পৰাজয়ৰ পৰিণতিত খলিফাৰ ক্ষমতা বৃহৎ মাত্ৰাত হ্ৰাস পালে । যেতিয়া মুছলমানসকলে উপলব্ধি কৰিলে যে তেওঁলোকে খলিফা বা আধ্যাত্মিক গুৰু হিচাপে বিবেচনা তুৰস্কাৰ সম্ৰাট তুৰস্কৰ পবিত্ৰ ঠাই বোৰৰ পৰত নিয়ন্ত্ৰণ নাইকিয়া হ'ল, তেতিয়া তেওঁলোক যথেষ্ট শংকিত হ'ল ।
গতিকে , তুৰস্কৰ সম্ৰাটক ইছলামৰ খলিফা বা ধ্যাত্মিক গুৰু হিচাপে পূৰ্বৰ মৰ্যাদালৈ ঘুৰাই নিয়াৰ উদ্দেশ্যে মৌলানা চৌকত আলি আৰু মহম্মদ আলিৰ নেতৃত্বত ভাৰতৰ মুছলমানসকলে খিলাফত আন্দোলন আৰম্ভ কৰে । গান্ধীজীয়ে হিন্দু আৰু মুছলমান লোকসকলক ঐক্যবদ্ধ কৰাৰ লক্ষ্যেৰে এই আন্দোলনলৈ সমৰ্থন আগবঢ়াইছিল ।
৩/ ১৯২০-২২ চনত গান্ধীজীয়ে কিয় অসহযোগ আন্দোলন আৰম্ভ কৰিছিল ? ইয়াৰ কাৰ্যসূচী কি আছিল ? গান্ধীজীয়ে কিয় এই আৰম্ভ কৰিছিল ? ইয়াৰ কাৰ্যসূচী কি আছিল ? গান্ধীজীয়ে কিয় এই আন্দোলন বন্ধ কৰিছিল ?
উত্তৰ :- ১৯২০-২২ চনত গান্ধীজীয়ে অসহযোগ আন্দোলন আৰম্ভৰ কেইবাটাও কাৰক আছিল । এই কেইটা হৈছে ----
(ক) প্ৰথম বিশ্বযুদ্ধত ভাৰতে ব্ৰিটেইনক সমৰ্থন কৰাৰ ফলস্বৰূপে অৰ্থনৈতিত নেতিবাচক প্ৰভাৱ পৰিছিল । এই যুদ্ধত ভাৰতৰ শ শ লোকৰ মৃত্যু হৈছিল ।
(খ) ১৯১৯ চনৰ ৰাওলাট আইনে ভাৰতীয়সকলৰ ওপৰত দমনমূলক পদক্ষেপ গ্ৰহণ কৰা বুলি ভাৰতীয়সকলে অনুভৱ কৰিবলৈ আৰম্ভ কৰিছিল । এই আইনৰ অধীনত সন্ত্ৰাসবাদী কাৰ্যকলাপত জড়িত বুলি সন্দেহ হোৱা লোকসকলক বিনা বিচাৰে ২ বছৰৰ বাবে কাৰাৰুদ্ধ কৰাৰ ব্যৱস্থা কৰা হৈছিল ।
(গ) ১১১৯ চনৰ জালিয়ানৱালাবাগৰ হত্যাকাণ্ডই ভাৰতীয়সকলক মৰ্মাহত কৰিছিল আৰু ব্ৰিটিছক বিতাড়িত কৰিবলৈ দৃঢ়সংকল্পবদ্ধ হৈছিল ।
(ঘ) ব্ৰিটিছসকলে ভাৰতত কৰা অৰ্থনৈতিক শোষন সন্দৰ্ভত ভাৰতীয়সকলে উপলব্ধিৰ ফলত গান্ধীজীৰ আন্দোলনে জনসমৰ্থন আদায় কৰিব পাৰিছিল ।
(ঙ) তুৰস্কৰ সম্ৰাটৰ মৰ্যাদা ঘূৰাই অনাৰ উদ্দেশ্যে ভাৰতীয় মুছলমানসকলে খিলাফৎ আন্দোলন আৰম্ভ কৰিছিল আৰু গান্ধীজীয়ে এই আন্দোলনলৈ সমৰ্থন আগবঢ়াইছিল ।
এই আন্দোলনৰ কেইটামান কাৰ্যসূচী তলত উল্লেখ কৰা হ'ল---
(ক) দেশৰ বিভিন্ন স্থানত বিদেশী বস্ত্ৰ দাহ কৰা হয় ।
(খ) বিদেশী বস্ত আৰু সুৰা বিক্ৰী কৰা দোকান বিলাক বৰ্জন কৰা হৈছিল ।
(গ) বৃহৎসংখ্যক ছাত্ৰ-ছাত্ৰীয়ে চৰকাৰী বিদ্যালয়-মহাবিদ্যালয় এৰিছিল ।
(ঘ) কাশী বিদ্যাপীঠৰ, বেনাৰস বিদ্যাপীঠৰ লগতে আলিগড়ত জাতীয় মুছলিম বিশ্ববিদ্যালয় স্থাপন কৰা হৈছিল ।
(ঙ) কংগ্ৰেছে প্ৰায় চল্লিছ লাখ স্বেচ্ছাসেৱকক সদস্যভুক্ত কৰিছিল ।
(চ) বিশ হাজাৰ যতন নিৰ্মাণ কৰি বিতৰণ কৰা হয় ।
(ছ) ৰাইজৰ আদালতৰ জৰিয়তে বিবাদৰ মীমাংসা কৰিবলৈ আৰম্ভ কৰিছিল ।
(জ) অসহযোগ আন্দোলনৰ খৰচ বহনকাৰী তিলকশ্বৰাজ পুঁজিত অতি কম সময়ৰ ভিতৰতে এক কোটিতকৈয়ো অধিক টকাসংগৃহীত হৈছিল ।
(ঝ) বৃটিছে প্ৰদান কৰা উপাধি আৰু সন্মান বৰ্জন কৰা হৈছিল ।
৪/ আইন অমান্য আন্দোলনৰ মূল লখ্য কি আছিল ? এই আন্দোলনৰ মূল বৈশিষ্ট্য কি আছিল ?
উত্তৰ :- (ক) লক্ষ্য :- ১৯৩০ চনৰ ৩১ জানুৱাৰীত মহাত্মা গান্ধীয়ে ভাইচৰয় আৰউইনক ভাৰতত ব্ৰিটিছ শাসনৰ কুপ্ৰভাৱ দূৰ কৰিবলৈ সতৰ্ক কৰি দিছিল আৰু তেওঁৰ হাতত কিছুমান দাবী সম্বলিত এখন পত্ৰ প্ৰদান কৰিছিল । এই দাবীসমূহ হল:-
(i) মাদক দ্ৰব্যৰ প্ৰচলন বন্ধ কৰা ।
(ii) টকা আৰু ষ্টাৰ্লিঙৰ অনুপাত পৰিবৰ্তন কৰা ।
(iii) মাটিৰ খাজান আৰু সৈন্য বাহিনীৰ ব্যয় হ্ৰাস কৰা ।
(iv) লোণ কৰা আৰু অপৰাধ অনুসন্ধান শাখাৰ বিলুপ্ত কৰা ।
(v) প্ৰশাসনীয় ব্যয় হ্ৰাস কৰা ।
(vi) বিদেশী বস্ত্ৰৰ ওপৰত সীমা শুল্ক আৰোপ কৰা ।
(vii) সকলো ৰাজনৈতিক বন্দীক মুকলি কৰা ।
(ix) আত্মৰক্ষাৰ বাবে সাধাৰণ নাগৰিকক অস্ত্ৰ-শস্ত্ৰ ৰখাৰ অনুজ্ঞাপত্ৰ প্ৰদান কৰা ।
(খ) বৈশিষ্ট্য : আইন অমান্য আন্দোলনে দেশৰ লোণ আইন ভংগ কৰাত গুৰুত্ব আৰোপ কৰিছিল । কেৱল চৰকাৰেহে লোণ প্ৰস্তুত কৰি জনসাধাৰণক বিক্ৰী কৰিব পাৰিছিল । ব্ৰিটিছ চৰকাৰৰ এই আইনক গান্ধীজীয়ে প্ৰত্যাহ্বান জনাইছিল । সেয়ে, এই আন্দোলন লোণ সত্যাগ্ৰহৰ জৰিয়তে সূচনা হৈছিল । ১৯৩০ চনৰ ১২ মাৰ্চত ৭৮ জন অনুৰাগীৰ সৈতে গান্ধীজীয়ে সমুদ্ৰ উপকূলত অৱস্থিত দাণ্ডিলৈ যাত্রা কৰিছিল আৰু সাগৰৰ পানী উতলাই লোণ প্ৰস্তুত কৰিছিল । অতি কম সময়ৰ ভিতৰতে এই আন্দোলন দেশৰ সকলো ঠাইতে ব্যাপ্ত হৈ পৰিছিল আৰু লোণ আইন ভংগৰ জৰিয়তে ব্ৰিটিছৰ বিৰোধিতা কৰিছিল । খান আব্দুল গফৰ খানৰ নেতৃত্বত ৰেড চাৰ্টছ'হিচাপে জ্ঞাত 'খুদাই খিটমদগাছ' (ঈশ্বৰৰ সেৱক) সকলে আন্দোলনটোৰ পৰিচালনা কৰিছিল । শ শ মহিলাই এই আন্দোলনত যোগদান কৰিছিল যিয়ে মহাত্মা গান্ধীৰ লোণ আইন ভংগ কৰা ধাৰণাটো সমৰ্থন কৰিছিল । এই আন্দোলনত গান্ধীজীৰ লগতে হেজাৰ হেজাৰ স্বাধীনতা প্ৰেমী লোকক গ্ৰেপ্তাৰ কৰা হয় ।
৫/ কি পৰিস্থিতিত ভাৰত ত্যাগ আন্দোলনৰ সূচনা হৈছিল ? ভাৰতৰ স্বাধীনতা সংগ্ৰামত এই আন্দোলনৰ কাৰ্যসূচীক তুমি মাইলৰ খুটি হিচাপে সাব্যস্ত কৰিব খোজানে ? তোমাৰ মতামতৰ সমৰ্থনত যুক্তি দিয়া ।
উত্তৰ :- দেশৰ স্বাধীনতা লাভৰ বাবে মহাত্মা গান্ধীয়ে আৰম্ভ কৰা শেহৰটো গন আন্দোলন আছিল ভাৰত ত্যাগ আন্দোলন । গান্ধীজীৰ মতাদৰ্শক বাস্তৱ ৰূপ দিয়াৰ উদ্দেশ্য কংগ্ৰেছ ৱৰ্কিং কমিটিয়ে ১৯৪২ চনৰ আগষ্টত ৱাৰ্ধাত মিলিত হৈ ভাৰত ত্যাগ প্ৰস্তাৱ গৃহীত কৰে । ১৯৪২ চনৰ ৭ আৰু ৮ আগষ্টত বোম্বাইত মিলিত হৈ নিখিল ভাৰত কংগ্ৰেছ কমিটিয়ে ভাৰত ত্যাগ প্ৰস্তাৱৰ কিছুৰূপান্তৰ ঘটাই ইয়াক গৃহীত কৰে ।
ভাৰত ত্যাগ আন্দোলনৰ সূচনা হোৱা পৰিস্থিতি কেইটা তলত উল্লেখ কৰা হ'ল---
(ক) ক্ৰিপছমিছনৰ ব্যৰ্থতা । (খ) জাপানৰ ভাৰত আক্ৰমণৰ ভাবুকি । (গ) পূৰ্ববংগৰ সন্ত্ৰাস ।
(ঘ) ব্ৰিটিছে ভাৰতক সুৰক্ষা প্ৰদান কৰিব নোৱাৰিব বুলি ভাৰতীয়সকলৰ মনত সঞ্চাৰ হোৱা উপলব্ধি । এই তিব্ৰ গণ আন্দোলনে ভাৰতৰ ব্ৰিটিছ চৰকাৰৰ ভেটি কঁপাই তুলিছিল । এই ঘটনাই স্বাধীনতা প্ৰাপ্তিৰ প্ৰক্ৰিয়া ত্বৰান্বিত কৰিছিল ।
৬/ ভাৰতীয় জাতীয় সেনা বাহিনীৰ বিষয়ে এটা চমুটোকা লিখা ।
উত্তৰ : - দ্বিতীয় বিশ্বযুদ্ধত জাপানী সৈন্যৰ ওচৰত আত্মসমৰ্পণ কৰা ভাৰতীয় বিষয়া কেপ্টেইন মোহন সিঙে ভাৰতীয় জাতীয় সেনাবাহিনীৰ ধাৰণাটো পোনপ্ৰথমে পোষণ কৰিছিল । ১৯৪২ চনৰ মাৰ্চ মাহত টকিঅ'ত বিদেশবাসী ভাৰতীয়সকলক লৈ অনুষ্ঠিত এখন সভাত ভাৰতীয় স্বতন্ত্ৰ লীগ গঠন কৰা হৈছিল ।
১৯৪২ চনৰ জুন মাহত বেংককত অনুষ্ঠিত সন্মিলনত ৰাসবিহাৰীবসুক ইয়াৰ সভাপতি হিচাপে নিৰ্বাচিত কৰা হয় । এই সন্মিলনতেই ভাৰতীয় জাতীয় সেনাবাহিনীৰ বা আজাদ হিন্দ ফৌজ পুনৰুজ্জীৱিত কৰণৰ সিদ্ধান্ত লোৱা হয় । এই লিগে সুভাষ চন্দ্ৰ বসুক জাপানলৈ নিমন্ত্ৰণ জনায় আৰু তেওঁ উপস্থিত হোৱাত ভাৰতীয় স্বতন্ত্ৰ লীগৰ সভাপতিৰ আসনখন তেওঁক যাচে ।
১৯৪৩ চনৰ ২১ অক্টোবৰত ছিংগাপুৰত স্বাধীন ভাৰতৰ প্ৰাদেশিক চৰকাৰ বা আজাদ হিন্দ চৰকাৰ গঠন কৰি সুভাষ চন্দ্ৰ বসুৱে ব্ৰিটিছ ---- মুক্ত ভাৰত গঠনৰ সংকল্প লয় । তেওঁ জাতীয় সেনা বাহিনীটোৰ পুনৰগঠন কৰে । মহিলা সমন্ধিতে বহুতো সাধাৰণ লোকক সৈন্য বাহিনীত ভৰ্তি কৰা হয় ।
মহিলাসকলৰ বাহিনীটোক ঝান্সিৰাণী ৰেজিমেন্ট ' নামেৰে নামাকৰণ কৰা হয় । ভাৰতীয় জাতীয় সেনা বাহিনীয়ে জাপানৰ লগ লাগি ব্ৰিটিছসকলৰ বিৰুদ্ধে যুদ্ধত অৱতীৰ্ণ হৈছিল । ভাৰতীয় জাতীয় সেনাবাহিনীৰ শ্লোগান আছিল 'জয় হিন্দ' । সুভাষ চন্দ্ৰ বসুৰ ' মোক তেজ দিয়া আৰু মই তোমালোকক স্বাধীনতা দিম ' উক্তিটোৱে তেওঁৰ অনুগামীসকলক অনুপ্ৰাণিত কৰিছিল ।
জাপানৰ পৰাজয় আৰু আত্মসমৰ্পনে ভাৰতীয় জাতীয় সেনাবাহিনীটোৰ ভাগ্য স্তিমিত কৰিছিল । ১৯৪৫ চনত সংঘটিত হোৱা এক বিমান দুৰ্ঘটনাত সুভাষ চন্দ্ৰ বসৱে মৃত্যুবৰণ কৰে বুলি অনুমান কৰা হৈছে । ভাৰতীয় জাতীয় সেনাবাহিনীয়ে স্বাধীনতা প্ৰাপ্তিৰ হকে ভাৰতৰ জাতীয় সংগ্ৰামত স্মৰণীয় ভূমিকা পালন কৰিছিল, যাৰ জৰিয়তে ইয়াৰ ওপৰত আন্ত:ৰাষ্ট্ৰীয় মনোযোগ নিবদ্ধ হৈছিল ।
আমাৰ এইখন Website ত এনেধৰণৰ সকলোবোৰ পাঠ্যপুথিৰ প্ৰশ্নোত্তৰ সমূহ ক্ৰমাৎ আগবঢ়াই নিয়াৰ চেষ্টা চলাই যোৱা হৈছে । অধিক ছাবৰ বাবে আপোনাৰ পাঠ্যপুথিৰ অন্তৰ্গত অধ্যায় নিৰ্ধাৰণ কৰক ।
CLASS 10 SOCIAL SCIENCE ANSWER
ইতিহাস প্ৰথম খণ্ড
২/ মহাত্মা গান্ধী আৰু ভাৰতৰ স্বাধীনতা সংগ্ৰাম
CLASS 10 ASSAMESE ANSWER
CLASS 11 ASSAMESE QUESTION ANSWER
