Assamese Soliuson. lesson 2 Cllas 11

অসমত মহাত্মা গান্ধীৰ পোন প্ৰথম পদাৰ্পন
-----পদ্মনাথ গোহাঞি বৰুৱা (১৮৭১-১৯৪৬)

class 11 assamese chapter 2 questions answere . class 11 assamese questions answere .

লেখক পৰিচিতি :- একেধাৰে কবি, ঔপন্যাসিক, নাট্যকাৰ, প্ৰৱন্ধই, সাংস্কৃতিক, অসম সাহিত্য সভাৰ প্ৰতিষ্ঠাপক তথা প্ৰথম গৰাকী সভাপতি ৰায়চাহাব পদ্মনাথ গোহাঞিবৰুৱাৰ জন্ম হয় লক্ষীমপুৰ জিলাৰ নকাৰী গাঁৱত ১৮৭১ চনৰ ২৪ অক্টোবৰত । উত্তৰ লক্ষীমপুৰত প্ৰাথমিক শিক্ষা আৰম্ভ হোৱা পদ্মনাথ গোহাঞিবৰুৱাই বাকী স্কুলীয়া শিক্ষা গ্ৰহণ কৰে শিৱসাগৰ আৰু কহিমা । ১৮৯০ চনত এন্ট্ৰেন্স পৰীক্ষাত উত্তীৰ্ণ হৈ কলিকতাৰ ৰিপন কলেজত ভৰ্তি হয় যদিও তাৰ পৰা তেওঁ আন চাৰিখন মান কলেজতো এফ এ (First Art) শ্ৰেণীত আৰু আইনৰ শ্ৰেণীত নাম ভৰ্তি কৰি পঢ়িবলৈ লয়; কিন্ত বিশেষ অসুবিধাত এইবাৰৰ এটাও পৰীক্ষা পাছ নকৰাকৈ ঘৰলৈ আহে । কলিকতাত থাকোঁতেই তেওঁ বেণুধৰ ৰাজখোৱাৰ সৈতে লগলাগি 'ডেকা গাভৰু' নামৰ বিহুগীতৰ সংকলন এখন প্ৰকাশ কৰে । কৃষ্ণ প্ৰসাদ দুৱৰাই প্ৰথম সম্পাদক হিচাপে সম্পাদনা কৰা আলোচনী 'বিজুলী'ৰো পিছত পদ্মনাথ গোহাঞিবৰুৱাই সম্পাদকৰ দায়িত্ব গ্ৰহণ কৰিছিল । তাৰোপৰি অসমলৈ ঘূৰি আহি 'আসাম বন্তি' আৰু ' ঊষা আলোচনী দুখনো সম্পাদনা কৰে ।

পদ্মনাথ গোহাঞিবৰুৱাই কহিমা চৰকাৰী ইংৰাজী স্কুলৰ প্ৰধান শিক্ষক হিচাপে যোগদান কৰি পাছত তেওঁ তেজপুৰ নৰ্মাল স্কুলৰ হেডমাষ্টৰ, মঙ্গলদৈৰ তহচিলদাৰ , কাউন্সিল সদস্য, অনাৰেৰী মেজিষ্ট্ৰেট আদি বিষয়বাবত কাৰ্যনিৰ্বাহ কৰিছিল ।

১৯১৭ চনত প্ৰতিষ্ঠা লাভ কৰা অসম সাহিত্য সভাৰ তেওঁ আছিল প্ৰথম গৰাকী সভাপতি । ১৯১৮ চনত কৰ্তব্যৰ দায়িত্বত অসম সাহিত্য সভাৰ সম্পাদক হিচাপেও কাৰ্যনিৰ্বাহ কৰিবলগীয়া হৈছিল । ১৯১৭ চনত শিৱসাগৰত অনুষ্ঠিত অসম সাহিত্য সভাৰ অধিৱেশনত তেওঁ সভাপতিত্ব কৰিছিল । তেওঁৰ বিভিন্ন কৰ্তব্যৰাজিত সন্তুষ্ট হৈ পৰাধীন ভাৰত চৰকাৰে তেওঁক 'ৰায়চাহাব ' খিতাপেৰে সন্মান যাচিছিল ।

১৯৪৬ চনৰ ৭ এপ্ৰিল তাৰিখে এই গৰাকী মহান সাহিত্যিকৰ সাহিত্যকৰ পৰলোকপ্ৰাপ্তি ঘটে । পদ্মনাথ গোহাঞিবৰুৱা আছিল অসমীয়া সাহিত্যত প্ৰকৃত উপন্যাসৰ প্ৰবৰ্তক । তেওঁ উপন্যাসৰ উপৰি বিভিন্ন দিশত সাহিত্য ৰচনা কৰি অসমীয়া ভাষা-সাহিত্যৰ ভঁৰাল চহকী কৰি থৈ গৈছিল ।

পদ্মনাথ গোহাঞিবৰুৱাৰ ৰচিত গ্ৰন্থৰাজি হ'ল ----

উপন্যাস : ভানুমতী (১৮৯১) , লাহৰী (১৮৯২)

কবিতাপুথি : লীলাকাব্য, জুৰণি , ফুলৰ চানেকি ।

নাটক : জয়মতী (১৯০০) , গদাধৰ (১৯০৭) , সাধানী (১৯১১) গাঁওবুঢ়া (১৮৯৭) লাচিত বৰফুকন (১৯১৫)), টেটোন তামুলী (১৯০৯) , ভূত নে ভ্ৰম (১৯১৫) , বানৰাজা (১৯৩২) ।

আত্মজীৱনী : মোৰ সোঁৱৰণী (১৯৭২; মৃত্যুৰ পিছত প্ৰকাশিত )

ধৰ্মমূলক গ্ৰন্থ : শ্ৰীকৃষ্ণ (১৯৩০) , গীতাসাৰ (১৯৩৫) ।

অন্যান্য গ্ৰন্থ : অসম বুৰঞ্জী, হিন্দু বুৰঞ্জী, নীতি শিক্ষা, সাহিত্য সংগ্ৰহ, জীৱনী সংগ্ৰহ, ভূগোল দৰ্পণ, দেশী কচৰৎ ইত্যাদি ।

(ক) অতি চমু প্ৰশ্ন :(প্ৰতিটো প্ৰশ্নৰ মূল্যাংক- (1)

1/ 'অসমত মহাত্মা গান্ধীৰ পোন প্ৰথম পদাৰ্পণ' শীৰ্ষক পাঠটি ক'ৰা পৰা সংগ্ৰহ কৰা হৈছে ?

উওৰ:- পদ্মনাথ গোহাঞিবৰুৱা 'মোৰ সোঁৱৰণী নামৰ আত্মজীৱনী খনৰ পৰা সংগ্ৰহ কৰা হৈছে ।

2/ মহাত্মা গান্ধীয়ে কেতিয়া প্ৰথমবাৰৰ বাবে অসম পদাৰ্পন কৰিছিল?

উওৰ :- মহাত্মা গান্ধীয়ে ইংৰাজী 1921 চনৰ ২১ আগষ্ট তাৰিখে প্ৰথম বাৰৰ বাবে অসম পদাৰ্পন কৰিছিল ।

3/ পদ্মনাথ গোহাঞিবৰুৱাৰ আত্মজীৱনীখনৰ নাম কি?

উওৰ :- 'মোৰ সোঁৱৰণি' ।

4/ 'আগৰৱালা পকী' ক'ত অবস্থিত ?

উওৰ :- তেজপুৰ চহৰত অৱস্থিত ।

5/ মহাত্মা গান্ধীৰ সন্মানাৰ্থে 'পকী'ৰ সন্মুখত আয়োজিত মজলিচত উপস্থিত থকা চৰকাৰী খিতাপধাৰি ব্যক্তিগৰাকী কোন আছিল ?

উওৰ :- পদ্মনাথ গোহাঞিবৰুৱা ।

(খ) চমু প্ৰশ্ন (প্ৰতিটো প্ৰশ্নৰ মূল্যাংক -2 অথবা (3)
1/ পদ্মনাথ গোহাঞিবৰুৱাই ৰচনা কৰা দুখন নাটকৰ নাম লিখা ?
উওৰ :- 'গাওবুঢ়া' আৰু 'জয়য়মতী' ।

2/ পদ্মনাথ গোহাঞিবৰুৱাই সম্পাদনা কৰা তিনিখন গ্ৰন্থৰ নাম লিখা ?
উওৰ :- 'বিজুলী', আসাম বন্তি', আৰু 'ঊষা'।
3/ পদ্মনাথ গোহাঞিবৰুৱাই ৰচনা কৰা তিনিখন গ্ৰন্থৰ নাম লিখা ?
উওৰ :- গাওঁবুঢ়া',গদাধৰ 'আৰু শ্ৰীকৃষ্ণ '।
4/ মহাত্মা গান্ধীয়ে ভাৰতৰ গবৰ্ণৰ জেনেৰেলক কি বুলি সম্বোধন কৰি সম্বোধন কৰি চিঠি লিখিছিল ?
উওৰ :-মহাত্মা গান্ধীয়ে ভাৰতৰ গবৰ্ণৰ জেনেৰেলক'Dear Sir বুলি সম্বোধন কৰি your Excellency' ৰসলনি উকাকৈ অকল your বুলি চিঠি লিখিছিল ।5/ 'অসমত মহাত্মা গান্ধীৰ পোন প্ৰথম পদাৰ্পণ' শীৰ্ষক পাঠটিত উল্লেখ কৰা দুগৰাকী স্বাধীনতা যোদ্ধাৰ নাম লিখা ?

উত্তৰ :- পাঠটিত উল্লেখ থকা দুগৰাকী স্বাধীনতা যোদ্ধাৰ নাম হ'ল :- মহাত্মা গান্ধী আৰু মৌলানা মহম্মদ আলি ।

(গ) দীঘল প্ৰশ্ন প্ৰতিটো প্ৰশ্নৰ উত্তৰ মূল্যাংক 4 অথবা 5)
1/ পদ্মনাথ গোহাঞিবৰুৱাই মহাত্মা গান্ধীৰ কোনবোৰ কাৰ্যৰ কাৰণে গান্ধীজীক লগ পাবলৈ উদগ্ৰীব হৈ পৰিছিল ?
উত্তৰ :- পদ্মনাথ গোহাঞিবৰুৱাই ভালেমান দিনৰপৰা ঘুনুক -ঘানাককৈ মহাত্মা গান্ধীৰ কথা শুনি আছিল । দখিণ আফ্ৰিকা বাসী ভাৰত সন্তান দুখ নিৰ্যাতন মোচন আৰু অভাৱ অভিযোগ নিৰাকৰনৰ অৰ্থে গান্ধীজীৰ অসাধাৰণ কাৰ্য্যকলাপ আৰু কৃতিত্বৰ বিষয়ে পঢ়ি শুনি তেখেতৰ প্ৰতি শ্ৰদ্ধা আৰু ভক্তিৰে পদ্মনাথ গোহাঞিবৰুৱাৰ অন্তৰত ভৰি পৰিছিল । সেই সময় ছোৱাত আমাৰ দেশৰ মানুহে মহাত্মা গান্ধীৰ এই অসাধাৰণ কাৰ্য্যকলাপ আৰু কৃতিত্বৰ বিষয়ে বৰ বেছি নাজানে যদিও দূৰদূৰণিৰ আমেৰিকা যুক্তৰাষ্ট্ৰত গান্ধীৰজীৰ মহামানবিক কাৰ্য্য -কলাপৰ বহুলভাৱে আলোচনা আৰু সমালোচনা চলিছিল । বিষেশকৈ আমেৰিকাৰ মিছনেৰীসকলে গান্ধীজীৰ মানত জাতিৰ মংগলাৰ্থে কৰা অলৌকিক আত্মোৎসংগত বিচময় ।

2/ গান্ধীৰজীৰ প্ৰথম ভ্ৰমণ সম্পৰ্কে এটি টোকা প্ৰস্তুত কৰা ?

উওৰ :- ভাৰতবৰ্ষত স্বাধীনতা সংগ্ৰামৰ নেতৃত্ব দিয়া অপ্ৰতিদ্বন্দ্বী নেতা গান্ধীয়গা 1921 চনৰ আগষ্ট মাহত প্ৰথমবাৰৰ বাবে অসম ভ্ৰমণ কৰে । আগষ্ট মাহৰ ২১ তাৰিখে তেখেতৰ জাহাজেৰে আহি তেজপুৰত উপস্থিত হয় । গান্ধীজীৰ সাক্ষাৎ লাভ কৰিবলৈ উদগ্ৰীৱ হৈ থকা পদ্মনাথ গোহাঞিবৰুৱাই তেজপুৰীয়া ৰাইজৰ লগত পুৱাতে জাহাজ ঘাটত উপস্থিত হয় । তেতিয়া ধাৰাসাৰ বৰষুণ দি আছিল । সেই বৰষুণত তিতি-বুৰি মানুহবোৰ গান্ধীজীৰ দৰ্শন লাভৰ বাবে অপেক্ষা কৰি আছিল । প্ৰায় 9:30 বজাত নিৰ্দিষ্ট জাহাজখন ঘাট চাপিল । গান্ধীজীৰ লগত অসম কংগ্ৰেছৰ নেতা তৰুণৰাম ফুকনো আহিছিল । তৰুণৰাম ফুকনে ৰায়চাহাব পদ্মনাথ গোহাঞিবৰুৱাক গান্ধীৰজীৰ লগত চিনাকি কৰাই দিয়াত তেখেতৰ গোসাঞি বৰুৱাৰ লগত সৌহাৰ্দ্যমূলক দুই-চাৰি কথা - বতৰা পাতিলে । গান্ধীজীয়ে ঘৰতে সূত কাটি বৈ উলিওৱা কাপোৰ ব্যৱহাৰ কৰিবলৈ পৰামৰ্শ দিছিল ।

গান্ধীজীক তেজপুৰীয়া ৰাইজে শোভাযাত্ৰা কৰি আদৰি আগৰৱালা পৰিয়ালৰ 'পকী'লৈ লৈ গ'ল আৰু তাতে ছাগলীৰ গাখীৰেৰে জা-জলপান দি আপ্যায়ন কৰিলে । কিছু সময়ৰ পাছত তেখেতে উপস্থিত ৰাইজক উদ্দেশ্যি 'ৰাজত্ব' আৰু 'অসহযোগ' সম্পৰ্কে ভাষণ দিলে ।

3/ গান্ধীজী আৰু পদ্মনাথ গোহাঞিবৰুৱাৰ মাজৰ কথোপকথনখিনি তোমাৰ ভাষাত বুজাই লিখা ।

উওৰ :- গান্ধীজীক লগ পোৱাৰ বাবে উদগ্ৰীৱ হৈ থকা পদ্মনাথ গোহাঞিবৰুৱাই প্ৰথমবাৰৰ বাবে অসমলৈ অহা মহাত্মা গান্ধীক তেজপুৰৰ জাহাজ ঘাটতে জাহাজতে লগ ধৰিলে । গান্ধীজীৰ লগত অহা অসমৰ কংগ্ৰেছ নেতা তৰুণৰাম ফুকনে পদ্মনাথ গোহাঞিবৰুৱাক গান্ধীজীৰ সতে চিনাকি কৰি দি ক'লে যে তেওঁ ভাৰত চৰকাৰৰ 'ৰায়চাহাব' উপাধ্যায়ৰে সন্মানিত হৈছে । কথাষাৰ শুনিয়ে মহাত্মা গান্ধী জিকাৰ খাই উঠি ইংৰাজীতে এইভাৱে ক'লে- "আচৰিত , ৰায়চাহাব খিতাপধাৰীয়ে গান্ধীক আদৰিবলৈ আহে ! তেতিয়া পদ্মনাথ গোহাঞিবৰুৱাই ক'লে যে তেওঁ আচলতে ৰাইজৰহে ৰায়চাহাব, যাচি দিয়া চৰকাৰী ৰায়চাহাব খিতাপ পিন্ধিও তেওঁ সততে সৰ্বতোভাৱে ৰাইজৰ ফলীয়া হৈ কৰ্মক্ষেত্ৰত আগবাঢ়ি আছে । তেতিয়া গান্ধীজীয়ে পদ্মনাথ গোহাঞিবৰুৱাৰ ফালে চাই ক'লে যে --- তেখেতে আশা কৰে যাতে খিতাপৰ কিৰীটিয়ে পাক ঘূৰণি খুৱাই তেওঁক ৰাইজৰ প্ৰতিকূলমুখী নকৰে । তাৰ পিছত তেখেতে গোহাঞি বৰুৱাৰ লগত স্বৰাজ বিষয়ক দুই চাৰিষাৰ কথা পাতিলে । পিন্ধনত থকা চেলেং খন হাতেৰে লাৰি গান্ধীজীয়ে বৰুৱাক সুধিলে --- বোলে চেলেংখনৰ সূতা স্বদেশীনে ? গোহাঞিবৰুৱাই উওৰ দিলে --- সূতা কিনা আৰু কাপোৰ খন ঘৰত বোৱা । এই কথাত গান্ধীজীয়ে অসন্তুষ্টি প্ৰকাশ কৰি সূতাটো বিলাত নলৈ ঘৰতে কাটি ঘৰতে বৈ ল'ব লাগে বুলি পৰামৰ্শ দিলে ।

4/ গান্ধীজীৰ অসম ভ্ৰমণৰ সময়ত ক'ত কোন মজলিচ বৈঠকৰ আয়োজন কৰিছিল, বুজাই লিখা ।

উওৰ :- আলহী মহাত্মা গান্ধীক আগৰৱালা পৰিয়ালৰ 'পকী'ত জিৰাবলৈ আহৰি দি আবেলি কেইঘন্টামানৰ কাৰণে ৰাইজ ঘৰাঘৰি গ'ল । সন্ধিয়া সাত বজাৰ পৰা ' পকী'ৰ সন্মুখত বহল ঘাঁহনি চোতালৰ দলিচা, সতৰঞ্চি, ত্রিপাল, নগাঢাৰি পাৰি মজলিছ বৈঠকৰ আয়োজন কৰা হ'ল । এই মজলিচৰ আয়োজন কৰিছিল গান্ধীজীৰ আগমনৰ বাবে প্ৰস্তুত কৰা আদৰণী সমিতিয়ে । এই মজলিচত তেজপুৰৰ গণ্য-মান্য লোককে ধৰি সকলোৱে অংশ গ্ৰহণ কৰিছিল যদিও পদ্মনাথ গোহাঞিবৰুৱাৰ বাহিৰে কোনো চৰকাৰী চাকৰিয়াল, পেন্সনীয়াৰ আৰু গভৰ্ণমেন্ট খিতাপধাৰী লোকে অংশ গ্ৰহণ কৰা নাছিল । 7:30 মান বজাত গান্ধীজী জিৰণি কোঠাৰ পৰা ওলাই আহি তাত থিয় দিয়া মাত্ৰকে উপস্থিত সকলোৱে থিয় হৈ তেখেতৰ প্ৰতি সন্মান প্ৰদৰ্শন কৰিছিল ।

5/ "আচৰিত, ৰায়চাহাব খিতাপধাৰীয়ে গান্ধীক আদৰিবলৈ আহে --- " এই কথাষাৰ কোনে কি প্ৰসংগত কৈছিল বুজাই লিখা ?

উওৰ :- মহাত্মা 'গান্ধী কীৰ্তী-কাহিনীবোৰ শুনি ৰায়চাহাব পদ্মনাথ গোহাঞিবৰুৱা তেখেতৰ প্ৰতি আন্তৰিক শ্ৰদ্ধা-ভক্তি উপজিছিল আৰু লগ পাবলৈ হাবিয়াস কৰি আছিল । তেখেতে জানিব পাৰিলে গান্ধীজীয়ে অসম ভ্ৰমণ কৰিবলৈ আহিব ।

1921 চনৰ আগষ্ট তাৰিখ দেওবাৰে মহাত্মা গান্ধীয়ে অসম ভ্ৰমণ কৰিবলৈ জাহাজেৰে আহি ৰাতিপুৱা 9:30 মান বজাত তেজপুৰত উপস্থিত হ'ল । পদ্মনাথ গোহাঞিবৰুৱা তেজপুৰীয়া ৰাইজৰ সতে জাহাজঘাটত তেখেতক আদৰিবলৈ অপেক্ষা কৰি আছিল । গান্ধীজীক লৈ অহা জাহাজখন জাহাজঘাটত লগাৰ লগে লগে পদ্মনাথ গোহাঞিবৰুৱাই জাহাজ খনলৈ গৈ গান্ধীজীৰ লগত অহা তৰুণৰাম ফুকনৰ ইংগিত মতে গান্ধীজীক নমস্কাৰ জনালে । তৰুণৰাম ফুকনে তেখেতক গোহাঞিবৰুৱাৰ চিনাকি দিবলৈ এনেদৰে কৈছিল--- "এখেত এজন তেজপুৰৰ আগৰণুৱা দেশহিতৈষী অসমীয়া নেতা, --- ৰায়চাহাব পদ্মনাথ গোহাঞিবৰুৱা ।"

শুনিয়েই গান্ধীজীয়ে জিকাৰ খাই উঠি ইংৰাজীত এই ভাৱে ক'লে "আচৰিত, ৰায়চাহাব খিতাপধাৰীয়ে গান্ধীক আদৰিবলৈ আহে !"

পদ্মনাথ গোহাঞিবৰুৱাৰ চৰকাৰী কাম-কাজত সন্তুষ্ট হৈ পৰাধীন ভাৰত চৰকাৰে তেওঁক 'ৰায়চাহাব ' দিছিল । চৰকাৰৰ বিপক্ষে আন্দোলন কৰা নেতা মহাত্মা গান্ধীক চৰকাৰী খিতাপধাৰী লোকে সন্মানসহকাৰে আদৰিবলৈ অহাত তেখেতে এনেদৰে আশ্চৰ্য প্ৰকাশ কৰিছিল ।

অতিৰিক্ত চমু আৰু দীঘল প্ৰশ্নোত্তৰ

প্ৰশ্ন ১/ মহাত্মা গান্ধী সম্পৰ্কে বিদেশত কেনে মনোভাৱ গঢ়ি উঠিছিল ?

উত্তৰ :- মহাত্মা গান্ধীয়ে দক্ষিণ আফ্ৰিকাত থকা ভাৰত-সন্তানসকলৰ বাবে কৰা দুখ-নিৰ্যাতন মোচন আৰু অভাৱ-অভিযোগ নিৰাকৰণ আদি কিছুমান কাৰ্য - কলাপে বিদেশত আচৰিতভাৱে প্ৰভাৱ বিস্তাৰ কৰিছিল । আমেৰিকা যুক্তৰাষ্ট্ৰত গান্ধীৰজীৰ মহামানৱিক কাৰ্য - কলাপৰ বহুল আলোচনা আৰু সমালোচনা চলিছিল । বিশেষকৈ, আমেৰিকান খ্ৰীষ্টীয়ান মিছনাৰী সম্প্ৰদায়ে গান্ধীজীৰ মানৱ-জাতিৰ মঙ্গলাৰ্থে কৰা অলৌকিক আত্মোৎসৰ্গত বিস্ময় মানি তেখেতক প্ৰসংসা কৰিছিল; আনকি সেই সম্প্ৰদায়ৰ পুৰোহিত পাদ্ৰীসকলে মহাত্মা গান্ধীক অৱতাৰী মহাত্মা যীশুখ্ৰীষ্টতকৈও ওপৰ খাপত আসন দিছিল ।

প্ৰশ্ন ২/ তেজপুৰত মহাত্মা গান্ধীক আদৰিবলৈ কেনে প্ৰস্তুতি চলিছিল ?

উত্তৰ :- ইংৰাজী ১৯২১ চনৰ ২১ আগষ্ট তাৰিখ দেওবাৰে পুৱা ৮ বজাত মহাত্মা গান্ধী তেজপুৰ ঘাটত নমাৰ কথা । সেই অনুসৰি ৰায়চাহাব পদ্মনাথ গোহাঞিবৰুৱাকে ধৰি তেজপুৰবাসীয়ে তিনিদিন আগৰে পৰা গান্ধীজীক আদৰিবলৈ জাহাজঘাটত সমবেত হ'বলৈ সষ্টম হৈছিল । সেই উদ্দেশ্য গান্ধী আগমনৰ বাৰ্তা তেজপুৰ সদৰৰ সদৌ , গাঁও আৰু লাগতিয়াল কেন্দ্ৰস্থান সমূহত সু-বহলকৈ প্ৰচাৰ কৰিছিল । নিৰ্ধাৰিত দিনা পুৱা ৬ বজাৰ পৰা আৰম্ভ কৰি ৮ বজাৰ ভিতৰত তেজপুৰ জাহাজ ঘাটত সমবেত ৰাইজ নধৰা হ'ল । নগৰৰ আলি বাটত বিৰ দি বাট নোপোৱা অৱস্থা হ'ল । সেইদিনা নিচেই পুৱাৰে পৰা ধাৰাসাৰ বৰষুণ দি থকাত গান্ধীজীক আদৰিবলৈ ৰৈ থকা মানুহবোৰৰ বৰ কষ্ট হৈছিল । তিতিবুৰি হ'লেও মানুহখিনি গান্ধীজীক আদৰিবলৈ অপেক্ষা কৰি আছিল ।

প্ৰশ্ন ৩/ মহাত্মা গান্ধীৰ আগমনলৈ ধাৰাসাৰ বৰষুণত তিতিবুৰি তেজপুৰৰ জাহাজ ঘাটত অপেক্ষা কৰা মানুহবোৰে কি কৰিছিল ?

উত্তৰ :- মহাত্মা গান্ধীলৈ অপেক্ষা কৰা মানুহখিনিয়ে ধাৰাসাৰ বৰষুণত তিতিবুৰি জাহাজ ঘাটত বৰ আগ্ৰহেৰে ৰৈ আছিল । বৰষুণত তিতা তিতিছেই, আধা তিতাবিলাকে গাৰ তিতা কাপোৰ চেপি ল'বলৈ বুলি জাহাজৰ বোট, অফিচ আৰু কাষৰ ৰে'লৰ অফিচ, মালগাড়ী আদিত আশ্ৰয় লৈছিলগৈ । পদ্মনাথ গোহাঞিবৰুৱাই অগত্যা ঘাটৰ কাষত খালী হৈ ৰৈ থকা মটৰ গাড়ী এখনত সোমোৱাই আশ্ৰয় ল'বলৈ বাধ্য হৈছিল ।

৪/ তৰুণৰাম ফুকনে পদ্মনাথ গোহাঞিবৰুৱাক মহাত্মা লগত কি বুলি পৰিচয় কৰি দিছিল ?

উত্তৰ :- পদ্মনাথ গোহাঞিবৰুৱাই ভিতৰলৈ সোমাই যোৱাত গান্ধীজীৰ লগত অসম কংগ্ৰেছ নেতা তৰুণৰাম ফুকনৰ ইংগিতত গান্ধীজীৰ ওচৰলৈ গৈ নমস্কাৰ জনালে । সেই মুহূৰ্ততে তৰুণৰাম ফুকনে পদ্মনাথ গোহাঞিবৰুৱাক গান্ধীজীৰ ওচৰত এনেদৰে পৰিচয় কৰি দিছিল --- "এখেত এজন তেজপুৰৰ আগৰণুৱা দেশহিতৈষী অসমীয়া নেতা; --- ৰায়চাহাব পদ্মনাথ গোহাঞিবৰুৱা ।

প্ৰশ্ন ৫/ 'ৰায়চাহাব পদ্মনাথ গোহাঞিবৰুৱা'বুলি তৰুণৰাম ফুকনে গোহাঞিবৰুৱাক গান্ধীজীৰ লগত পৰিচয় কৰি দিওঁতে গান্ধীজীয়ে কি ক'লে ?

উত্তৰ :- ৰায়চাহাব খিতাপ সহ পদ্মনাথ গোহাঞিবৰুৱাক গান্ধীজীৰ লগত তৰুণৰাম ফুকনে পৰিচয় কৰি দিয়াত গান্ধীজী জিকাৰ খাই উঠি ইংৰাজীতে এই বুলি কৈছিল, --- "আচৰিত, ৰায়চাহাব খিতাপধাৰীয়ে গান্ধীক আদৰিবলৈ আহে !"

প্ৰশ্ন ৬/ পদ্মনাথ গোহাঞিবৰুৱাই গাত লোৱা চেলেংখনৰ একাচল গান্ধীজীয়ে হাতত লৈ পিটিকি চাই কি কৈছিল ?

উত্তৰ :- চেলেংখনৰ একাচল পিটিকি চাই গান্ধীজীয়ে পদ্মনাথ গোহাঞিবৰুৱাক সূতা স্বদেশীনে বুলি সুধিছিল । গোহাঞিবৰুৱাই যেতিয়া সূতা ঘৰত কটা নহয় , দোকানৰ পৰা অনা, কাপোৰহে ঘৰত বোৱা বুলি ক'লে তেতিয়া গান্ধীজীয়ে কৈছিল "এই চাদৰৰ সূতা বিদেশী ---- বিলাতী! আশাকৰোঁ আপোনাৰ চোলা - চুৰিয়াৰ দৰে চাদৰো অনতি পলমে সম্পূৰ্ণে স্বদেশী হয় যেন ।"

৭/ "মেঘৰ কাম মেঘে কৰি আছে , আমাৰ কাম আমি কৰোঁগৈ ।" কোনে , কি প্ৰসংগত এনেৰদে কৈছিল ?

উত্তৰ :- মহাত্মা গান্ধীজী তেজপুৰত পদাৰ্পনৰ দিনা নিচেই পুৱাৰে পৰা ধাৰাসাৰ বৰষুণ দি আছিল । তেখেতক আদৰিবলৈ অহা তেজপুৰবাসী ৰাইজ তেনে বৰষুণতে তিতি বুৰি গান্ধীজীলৈ অপেক্ষা কৰি আছিল । এনেতে গান্ধীজীক লৈ অহা জাহাজ তেখেতৰ জাহাজঘাটত চাপিলহি । কিন্ত সময় অপেক্ষা কৰা সত্বেও বৰষুণ নকমাত গান্ধীজীয়ে বৰষুণৰ কাৰণেই যে তেখেতক জাহাজতে বহুৱাই ৰাখিছে এই কথা জানি তেখেতেই এনেদৰে কৈ একো চোচাই জাহাজৰ পৰা নামি আহি সদলবলে পাৰত উঠিছিলহি ।

৮/ পদ্মনাথ গোহাঞিবৰুৱাই গান্ধীজীক প্ৰথমে দেখা কৰিবলৈ তথা আদৰিবলৈ যাওঁতে কেনে পোচাক পিন্ধি গৈছিল ?

উত্তৰ :- পদ্মনাথ গোহাঞিবৰুৱাই গান্ধীজীক দেখা কৰিবলৈ সেইদিনা অসমীয়া পাটৰ চুৰিয়া, অসমীয়া পাটৰ কুৰ্তাচোলা পিন্ধি গাত আশী নম্বৰী সূতাৰ ঘৰত বোৱা চেলেং ছটিয়াই লৈ গৈছিল ।

প্ৰশ্ন ৯/ জাহাজঘাটৰ পৰা মহাত্মা গান্ধীক কেনেদৰে শোভাযাত্ৰা কৰি লৈ যোৱা হৈছিল ?

উত্তৰ :- জাহাজৰ পৰা সদলে নামি পাৰত উঠাত গান্ধীজী আৰু তেখেতৰ লগত অহা মৌলনা মহম্মদ আলি চাহাবক আগতে সজাই থোৱা বাগীত সমাদৰে তুলি লৈ, ঘোঁৰাৰ সলনি স্বেচ্ছাসেৱক দলৰ মানুহেৰে টনাই শোভাযাত্ৰা আৰম্ভ কৰি নিয়া হৈছিল । আগে-পিছে অসংখ্য সোভাযাত্রীকাৰী লোক আগুৱাই গৈ থাকিল । আচৰিত , শোভাযাত্ৰা দুখোজ মান যাওঁতেই ৰ'দ কাছলিয়ে চাঁটকৰে বতৰ মুকলি কৰিলে । শোভাযাত্ৰাকাৰীয়ে টাউনৰ ঘাই আলিবাটৰ দুয়োকাষ পিয়াপি শাৰী পাতি থকা জনতাৰ মাজেৰে আলহী থাকিবলৈ ব্যৱস্থা কৰা 'হৰিবিলাস আগৰৱালাৰ ' 'পকীকুঠী'ৰ অভিমুখে জাতীয় সংগীতৰ তালে তালে পাৱ পেলাই উৰুলীকৃত হৈ আগুৱাই ধীৰ, গভীৰ, সৰল খোজেৰে গৈ আধাঘন্টামানৰ মূৰত শোভাযাত্ৰী দল 'আগৰৱালা পকী'ৰ দুৱাৰ মুখ পালেগৈ । তাত আদৰিবলৈ ৰৈ থকা আয়তীসকলে জাউৰীয়ে জাউৰীয়ে মঙ্গল উৰুলি দি মহাত্মা গান্ধীক আদৰি নিলেহি । তাৰেপৰা মৌলনা মহম্মদ আলিক বৃদ্ধ উকীল মহেন্দ্ৰ বাবুৱে তেখেতৰ ঘৰলৈ আলহী হিচাপে আদৰি লৈ গ'ল ।

প্ৰশ্ন ১০/ 'অগত্যা এটা উপায় উলিয়াব লগাত পৰিলোঁ -" --- কোনে কি উপায় উলিয়াব লগাত পৰিল বুজাই লিখা ।

উত্তৰ :- জাহাজ ঘাটত পৰা ৰাইজে আদৰি আনি মহাত্মা গান্ধীক হৰিবিলাস আগৰৱালাৰ 'পকী'ত জিৰণি ল'বলৈ দিলে । গান্ধী দৰ্শনৰ হেতুকে 'পকী'ৰ সন্মুখত আৰু সমুখৰ আলিবাটত মানুহ আহি ইমানেই ভিৰ কৰিলে যে মানুহ অহা-যোৱা কৰাটো বৰ টান হৈ পৰিল । বুজালেও মানুহবোৰ আঁতৰি নাযায় । পদ্মনাথ গোহাঞিবৰুৱায়ো নিজে আহি বুজাই মানুহখিনি আঁতৰি যোৱাৰ বাবে চেষ্টা কৰিলে । কিন্ত সফল কাম নহ'ল । বুপুজীৰ দৰ্শন নোহোৱাকৈ কোনো আঁতৰি নাযায় ।

অৱশেষত গোহাঞিবৰুৱাই এটা উপায় উলিয়ালে । ভাবি-চিন্তি ইয়াকে থিৰ কৰিলে যে গান্ধীজীক পকীঘৰৰ চাদলৈ তুলি নি আসন দিয়া হওক, তেতিয়াহ'লে সমবেত ৰাইজে নিলগতৰ পৰা হ'লেও তেখেতৰ দৰ্শন পাব । সেই অনুসৰি কাম কৰা হ'ল আৰু ৰাইজে গান্ধীজীক দৰ্শন কৰিব পাৰিলে ।

অতি চমু প্ৰশ্নোত্তৰ

প্ৰশ্ন ১/ পদ্মনাথ গোহাঞিবৰুৱাৰ জন্ম ক'ত কেতিয়া হৈছিল ?

উত্তৰ :- লক্ষিমপুৰ জিলাৰ নকাৰী গাঁৱত ১৮৭১ চনত হৈছিল ।

প্ৰশ্ন ২/ পদ্মনাথ গোহাঞিবৰুৱা সাহিত্যৰ কোন যুগৰ কবি আছিল ?

উত্তৰ :- 'জোনাকী' যোগৰ কবি আছিল ।

প্ৰশ্ন ৩/ অসম সাহিত্য সভা কেতিয়া স্থাপিত হৈছিল ?

উত্তৰ :- ১৯১৭ চনত ।

প্ৰশ্ন ৪/ অসম সাহিত্য সভাৰ প্ৰতিষ্ঠাপক (প্ৰথম গৰাকী) সভাপতি কোন আছিল ?

উত্তৰ :- পদ্মনাথ গোহাঞিবৰুৱা ।

প্ৰশ্ন ৫/ পদ্মনাথ গোহাঞিবৰুৱা অসম সাহিত্য সভাৰ কোন অধিবেশনত সভাপতিত্ব কৰিছিল ?

উত্তৰ :- ১৮১৭ চনত শিৱসাগৰত অনুষ্ঠিত অসম সাহিত্য সভাৰ প্ৰথম অধিবেশন ।

প্ৰশ্ন ৬/ অসম সাহিত্য সভাৰ প্ৰথম অধিবেশন কোন চনত ক'ত অনুষ্ঠিত হৈছিল ?

উত্তৰ :- ১৯১৭ চনত, শিৱসাগৰত ।

প্ৰশ্ন ৭/ পৰাধীন ভাৰত চৰকাৰৰ পৰা পদ্মনাথ গোহাঞিবৰুৱাই কি খিতাপ পাইছিল ?

'ৰায়চাহাব' খিতাপ ।

প্ৰশ্ন ৮/ পদ্মনাথ গোহাঞিবৰুৱাৰ উপন্যাস দুখনিৰ নাম লিখা ।

উত্তৰ :- 'ভানুমতী' আৰু 'লাহৰীয' ।

প্ৰশ্ন ৯/ মহাত্মা গান্ধীৰ আচল নাম কি ?

উত্তৰ :- মোহনদাস কৰমচাঁদ গান্ধী ।

প্ৰশ্ন ১০/ কোন বিদেশ ৰাষ্ট্ৰত থকা ভাৰত সন্তানৰ দুখ-নিৰ্যাতন আৰু অভাৱ-অভিযোগ নিৰাকৰণৰ কাৰণে গান্ধীজীয়ে অশেষ শ্ৰম কৰিছিল ?

উত্তৰ :- দক্ষিণ আফ্ৰিকাত থকা ।

প্ৰশ্ন ১১/ মহাত্মা গান্ধীৰ মহামানৱিক কাৰ্য-কলাপ বহুল আলোচনা আৰু সমালোচনা কোন বিদেশ ৰাষ্ট্ৰত হৈছিল ?

উত্তৰ :- আমেৰিকাত ।

প্ৰশ্ন ১২/ খ্ৰীষ্টিয়ান পাদ্ৰী পুৰোহিতসকলে মহাত্মা গান্ধীক কেনে আসন দিছিল ?

উত্তৰ :- মহাত্মা যীশুখ্ৰীষ্টতকৈও ওপৰ খাপত ।

প্ৰশ্ন ১৩/ মহাত্মা গান্ধীয়ে চিঠি লিখা ভাৰতৰ গৱৰ্ণৰ জেনেৰেলৰ নাম কি ?

উত্তৰ :- লৰ্ড ৰিডিং চাহাব ।

প্ৰশ্ন ১৪/ গান্ধীজয়ে প্ৰথম অসমত পদাৰ্পণ কৰাৰ সময়ত তেজপুৰত কোন চনৰ কোন তাৰিখে জাহাজৰ পৰা নামিছিল ?

উত্তৰ :- ১৯২১ চনৰ ২১ আগষ্ট তাৰিখে ।

প্ৰশ্ন ১৫/ গান্ধীৰজীৰ লগত অহা আন এজন নেতা কোন ?

উত্তৰ :- মৌলানা মহম্মদ আলি ।

প্ৰশ্ন ১৬/ গান্ধীৰজীৰ লগত অহা অসমৰ কংগ্ৰেছৰ নেতাজন কোন আছিল ?

উত্তৰ :- তৰুণৰাম ফুকন ।

প্ৰশ্ন ১৭/ গান্ধীৰজীৰ লগত পদ্মনাথ গোহাঞিবৰুৱাক কোনে চিনাকি কৰি দিছিল ?

উত্তৰ :- তৰুণৰাম ফুকনে ।

প্ৰশ্ন ১৮/ গান্ধীৰজীক আদৰিবলৈ গৈ ধাৰাসাৰ বৰষুণত পৰি পদ্মনাথ গোহাঞিবৰুৱাই ক'ত আশ্ৰয় লৈছিল ?

উত্তৰ :- কাষতে খালী হৈ থকা মটৰ গাড়ীত ।

প্ৰশ্ন ১৯/ ৰাতিপুৱা কেই বজাত গান্ধীজীভাৰী জাহাজখন তেজপুৰ জাহাজ ঘাটত লাগিছিলহি ?

উত্তৰ :- ৰাতিপুৱা ৯:৩০ ।

প্ৰশ্ন ২০/ পদ্মনাথ গোহাঞিবৰুৱাই গান্ধীজীৰ অৱয়ব কেনে দেখিছিল ?

উত্তৰ :- চুটি-চাপৰ এগৰাকী সৰু-ফুটীয়া মানুহ ।

প্ৰশ্ন ২১/ পদ্মনাথ গোহাঞিবৰুৱাৰ পৰিচয় তৰুণৰাম ফুকনৰ মুখত শুনি গান্ধীজী কিয় জিকাৰ খাই উঠিছিল ?

উত্তৰ :- 'ৰায়চাহাব' খিতাপ পোৱা লোকে তেখেতক আদৰিবলৈ অহা দেখি ।

প্ৰশ্ন ২২/ পদ্মনাথ গোহাঞিবৰুৱাই গাত লৈ থকা চেলেংকাপোৰখন হাতেৰে পিটিকি চাই গান্ধীজীয়ে কি বুলি সুধিছিল ?

উত্তৰ :- 'কাপোৰৰ সূতা স্বদেশীনে' বুলি সুধিছিল ।

প্ৰশ্ন ২৩/ পদ্মনাথ গোহাঞিবৰুৱাই গাত লৈ থকা চেলেংখন হাতেৰ পিটিকি চাই গান্ধীজীয়ে 'কাপোৰৰ সূতা স্বদেশীনে' বুলি সোধাত গোহাঞিবৰুৱাই কি বুলি কৈছিল ?

উত্তৰ :- 'সূতা ঘৰত কটা নহয়'--- দোকানৰ পৰা কিনি আনি ঘৰত বোৱা কাপোৰ ।

প্ৰশ্ন ২৪/ চেলেং কাপোৰখনৰ সূতা দোকানৰ পৰা কিনি অনা বুলি পদ্মনাথ গোহাঞিবৰুৱাই কৰুৱাত কোৱাত গান্ধীজীয়ে কি বুলি কৈছিল ?

উত্তৰ :- 'এই চাদৰৰ সূতা বিদেশী --- বিলাতী' বুলি কৈ থ'লে ।

প্ৰশ্ন ২৫/ গান্ধীজী আৰু মৌলানা মহম্মদ আলি চাহাবক কিহত উঠাই শোভাযাত্ৰা কৰা হৈছিল ?

উত্তৰ :- স্বেচ্ছাসেৱকৰ মানুহে টনা বাগীত ।

প্ৰশ্ন ২৬/ মহাত্মা গান্ধীক শোভাযাত্ৰা কৰি ক'লৈ নিয়া হৈছিল ?

উত্তৰ :- হৰিবিলাস আগৰৱালাৰ 'পকী কুঠী'লৈ ।

প্ৰশ্ন ২৭/ মহাত্মা গান্ধীৰ লগত অহা মৌলানা মহম্মদ আলিক হিচাপে কাৰ্যনিৰ্বাহ ঘৰলৈ নিয়া হৈছিল ?

উত্তৰ :- বৃদ্ধ উকীল মহেন্দ্ৰ বাবুৰ ঘৰলৈ ।

প্ৰশ্ন ২৮/ "মেঘৰ কাম মেঘে কৰি আছে, আমাৰ কাম আমি কৰোঁগৈ ।" ---- কথাষাৰ কোনে কৈছিল ?

উত্তৰ :- মহাত্মা গান্ধীয়ে ।

প্ৰশ্ন ২৯/ মজলিচ বৈঠকখন ক'ত পতা হৈছিল ?

উত্তৰ :- হৰিবিলাস আগৰৱালাৰ 'পকী'ৰ ঘাঁহনি চোতালত ।

প্ৰশ্ন ৩০/ তেজপুৰত 'পকী'ৰ চোতালত গান্ধীজীয়ে কিহৰ বিষয়ে বক্তৃতা দিছিল ?

উত্তৰ :- 'স্বৰাজ' আৰু 'অসহযোগিতা' (Non - Co - operation) এই দুই বিষয়ে ।

প্ৰশ্ন ৩১/ গান্ধীজীয়ে মজলিচ বৈঠকত কিমান সময় বক্তৃতা দিছিল ?

উত্তৰ :- আঠ বজাৰ পৰা দহ বজালৈ একেৰাহে দুঘন্টা ।

শব্দাৰ্থ

মহামানৱিক --- মহৎ মনুষ্যসুলভ, মানুহ সম্বন্ধীয় , উচ্চ ধাৰণা ; বিৰ দি বাট নোপোৱা --- মানুহ জুমৰ মাজেদি বাট উলিয়াব নোৱৰা অৱস্থা; ঘুনুক-ঘানাক --- অস্পষ্টভাৱে , অলপকৈ; অলৌকিক --- লোক-সমাজত নথকা , আচৰিত , নোহোৱা নোপোজা; উপজি পুৱাৰে পৰা --- নিচেই পুৱাৰে পৰা, পোহৰ হোৱাৰ পৰা; উদগ্ৰীৱভাৱে --- অতি আগ্ৰহেৰে , অতি হেঁপাহেৰে; মৌ চেপা বৰষুণ --- ধাৰাসাৰ বৰষুণ; কটাহি কৰা --- কেৰেপ কৰা , চকু কেৰাহি কৰা , কেৰাহিকৈ চোৱা; আপাদমস্তক --- ভৰিৰ পৰা মূৰলৈ ; ৰোট --- (Boat) নাও; ভিৰাই --- বেগাই; তেতিক্ষণে --- তেতিয়াই, ততালিকে; উৰুলীকৃত --- আনন্দত অধীৰ হোৱা; অৱয়ব --- আকৃতি , চেহেৰা ; কদম --- খোজ; দেশ-হিতৈষী --- দেশৰ হিত চিন্তা কৰোঁতা ; অনতি পলমে --- অতি পলম নকৰাকৈ , অতি সোনকালে ; চাচকৰে --- হঠাতে, তৎক্ষণাৎ; মৰাল --- ৰাজহাঁহ ; আলধৰা --- আল-পৈচান ধৰা , লগুৱা ; সন্ধি --- সুৰুঙা, বাট, সুবিধা; কৃষ্ণভঙ্গী --- শ্ৰীকৃষ্ণই কৰা শাৰীৰিক ভাঁজ বা ভংগিমা ; পোৱা ঘন্টা --- এঘন্টাৰ চাৰিভাগৰ এভাগ, অৰ্থাৎ ১৫ মিনিট ; আপ্লুত --- তলযোৱা, নিমগ্ন হোৱা , অভিভূত হোৱা ; সতৰঞ্চি --- বহুৰঙী কপাহী কাপোৰ; মজলিচ --- সভা , বৈঠক ; খিতাপ --- উপাধি, সন্মান ; নিবিষ্টমনে --- একান্তমনে , মনোযোগেৰে ; গান্ধীভাৰী --- গান্ধী অহা জাহাজখন ।

class 11 lesson 2 / Class 11 chapter 2 / H.S first year lesson 2 question answer

CLASS 1O ASSAMESE QUESTION ANSWER

Group-A (বাধ্যতামূলক)

পদ্যাংশ

১• বৰগীত পাঠটোৰ প্ৰশ্ন উত্তৰ 🔎

২• জিকিৰ আৰু জাৰী'ৰ প্ৰশ্ন উত্তৰ🔎

৩• প্ৰশস্তি পাঠৰ প্ৰশ্মোত্তৰ🔎

৪• মই অসমীয়া পাঠৰ প্ৰশ্মোত্তৰ🔎

৫•

গদ্যাংশ

৬• উদ্যোগী হওঁ আহাঁ পাঠৰ প্ৰশ্মোত্তৰ🔎

৭• ভাৰতীয় সংস্কৃতি'ৰ প্ৰশ্ন উত্তৰ 🔎